د لاس رسي وړ اتصالات

د جورج فلویډ د وژل کیدو په ضد نړۍ کې اعتراضونه روان دي


په لس ګونه زره کسانو په آسترالیا کې لاریونونه وکړل
په لس ګونه زره کسانو په آسترالیا کې لاریونونه وکړل

له متحده ایالاتو څخه نیولې تر مکسیکو او هسپانیې پورې، زرګونه کسانو امریکايي جورج فلویډ ته د درناوي په هدف لاریونونه وکړل.

جورج فلویډ د (مې په ۲۵) د امریکا په مینیسوټا ایالت کې د یوه سپین پوستي پولیس له خوا تر توقیف وروسته مړ شو. پولیسو د هغه په ستوني‌ پښه اېښې وه او بیا وروسته روغتون کې ډاکټرانو وویل چې هغه مړ شوی.

د هغه مرګ له امله د نړۍ په کچه لاریونونه پیل شوي او په زرګونه کسان د نژادي تبعیض او تاوتریخوالي د پای ته رسولو غوښتنه کوي.

د آسترالیا په لوی ښار سدني کې هم په لس ګونه زره کسانو د پولیسو په قید کې ځايي افرادو د وژل کیدو په غبرګون کې لاریون وکړ.

که څه هم د آسترالیا لومړي وزیر سکاټ مورسن له خلکو غوښتي وو چې د کرونا ویروس د خپریدو له امله په مظاهرو کې برخه وانخلي خو خلکو دې غوښتنې ته پام ونکړ او د امریکا له مظاهره کوونکو سره یې همغږي وښوده.

د هسپانیا په بارسلونا ښار کې هم له زرو څخه ډیر خلک د یووالي د څرګندولو لپاره راټول شوي وو، شمعې بلې کړې وي او شعارونه بیلابیل شعارونه یې ورکول.

په مکسیکو ښار کې هم، په سلګونو کسانو جورج فلویډ ته د درناوي مراسم جوړ کړل، لیویس کرن وویل:"موږ باید خلکو ته ووایو چې د تورانو ژوند هم ارزښت لري."

د غونډو تنظیم کونکو د نورو هغو تور پوستانو نومونه هم ولوستل چې د جورج فلویډ په څیر د پولیسو لخوا مړه شوي.

XS
SM
MD
LG