د لاس رسي وړ اتصالات

افغانستان کې دوه امریکايي سرتیري وژل شوي


اوس مهال افغانستان کې شاوخوا اته زره او څلور سوه امریکايي سرتیري په دنده بوخت دي.
اوس مهال افغانستان کې شاوخوا اته زره او څلور سوه امریکايي سرتیري په دنده بوخت دي.

د قاطع ملاتړ ځواکونو قومندانۍ په یوه اعلامیه کې ویلي، نن د جمعې په ورځ ( وري ۲مه) په افغانستان کې دوه امریکايي سرتیري د عملیاتو پر مهال وژل شوي دي.

د قاطع ملاتړ ماموریت په اعلامیه کې د عملیاتو د بڼې او ځای په اړه څه نه دي ویل شوي.

دا اعلامیه وايي، چې د امریکا د دفاع وزارت پالیسۍ له مخې به د دغو وژل شوو سرتیرو نومونه تر ۲۴ ساعتونو پورې اعلان نه شي.

افغانستان کې د یو کم شمیر امریکايي ځواکونو پرته د قاطع ملاتړ ځواکونه افغان ځواکونو ته د مشورې او روزنې په دنده بوخت دي.

په افغانستان کې دا مهال د قاطع ملاتړ ماموریت په چوکاټ کې شاوخوا اولس زره سرتیري په دنده بوخت دي، چې د دغې ډلې شاوخوا اته زره څلور سوه یې امریکایي سرتیري دي.

د رپوټونو له مخې په ځانگړې توگه د icasualties په نامه ویبپاڼې د رپوټ په بنسټ چې په افغانستان کې د بهرنیو سرتیرو د مرگ ژوبلې شمیرې خپروي د ٢٠٠١ کال نه تر اوسه پورې په افغانستان کې ٣٥٦١ بهرني سرتیري وژل شوي چې ٢۴١٩ تنه یې امریکایي پوځیان دي.

XS
SM
MD
LG