د اوکراین د ولسمشرۍ په انتخاباتو کې ۴١ کلن ټوکمار ولادیمیر زلینسکي د رایو په لوی توپیر بریالی شویدی.
ښاغلي زلینسکي د ٧٣ فیصده رایو په گټلو سره خپل سیال پخواني ولسمشر پټرو پوروشینکو ته ماتې ورکړه.
د اوکراین د ولسمشرۍ د انتخاباتو په لمړي پړاو کې هم ولادیمیر زلینسکي نورو کاندیدانو مخکی و.
ښاغلی زلینسکي چې هیڅ ډول سیاسي سابقه نه لري او د ټي وي په یوې پروگرام کې یې د ولسمشر کردار لوبولی دی، په سرویگانو کې هم د ولسمشر پوروشینکو نه مخکی و.
زلینسکي په لمړي پړاو کې ٣٠٪ رای اخیستي وې او اوسني ولسمشر پوروشینکو ١٧.٥٪ رای اخیستي دي.
د اوکراین د قانون په اساس که یو کاندید د ٥٠٪ نه زیاتې راې وانهخلي نو انتخابات دوهم پړاو ته غځیږي.
د اوکراین په انتخاباتو کې ټول ټال ٣٩ کاندیدان برخه لرله او دغه ټول د روسیې سره د یوځای کیدو پلویان نه دي.