د ملګرو ملتونو د عمومي منشي څوکۍ ته څلورو نوماندانو د غړو هېوادونو سره پخپلو پلانونو خبرې کړې دي. په دې اونۍ کې یو مشترک بحث پدې اړه دا و چې څنګه په ملګرو ملتونو کې اصلاحات راوستل شي او دغه سازمان لاپسې اغېزناک شي.
د نوماندانو لپاره په نیویارک کې د سه شنبې او چهارشنبې په ورځو کې یوه استعماعیه غونډه جوړه شوې وه.
د چیلي پخوانۍ ولسمشرې مېشل بشلېټ وویل چې ملګري ملتونه باید د خپل اعتبار د په ځای کولو لپاره کار وکړي او تمرکز یې په "واقعي، دومدارو او د تائید وړ پایلو" وي.
هغې وویل چې اصلي پیغام یې په نړۍ کې د "هیلې لپاره عاجله اړتیا" ده.
ارجنټایني رافایل ګروسي چې د ملګرو ملتونو د نړیوالې اټومي انرژۍ د سازمان مشري په غاړه لري د تعیناتو د بهیر پر ارزښت ټینګار وکړ ویې ویل "پدې وخت کې زموږ د سازمان په اړه پراخ او لوي شکونه شته."
ده وویل ملګري ملتونه د پیغام خپرولو لپاره رامنځته شوي نه دي بلکې موخه یي "په میدان کې د ستونزو هوارول دي>
د کاستاریکا د ولسمشر پخوانۍ مرستیالې او د ملګرو ملتوو د سوداګرۍ او پرمختیا د څانګې مشرې ربېکا ګېنسپن سوله خپل لومړیتوب وباله ویې چې د " شخړې له رسېدو مخکې به عمل وکړي."
مېرمن ګېنسپن وویل چې د هغو خلکو خبرو ته یې غوږ نیولی چې غواړي ملګري ملتونه اغېزناک، ګټور، ځواب ویونکي او حسابي وي.”
د سېنیګال پخوانی ولسمشر په خپل نوبت وویل چې دی به په ملګرو ملتونو کې "د اعتماد د اعادې لپاره" کار وکړي څو یو ځل بیا ټولو ته رسیدګي وشي.
ده ویلي چې د سازمان پرمخ بیولو ته لیواله دی.
د ملګرو ملتونو راتلونکی عمومي منشي د همدې کال په پاي کې د پنځو کالو کاري دورې لپاره انتخاب کېږي. نوی کس د اوسني عمومي منشي انتونیو ګوتېرش ځای ونیسي.
فورم \ دبحث خونه