د لاس رسي وړ اتصالات

د امریکا د ۲۰۲۰ د جمهوري ریاست انتخابات؛ شیبه په شیبه معلومات 

د امریکا د جمهوري ریاست انتخابات نن د سه شنبې په ورځ نومبر درېیمه (لړم ۱۳) پیل شول. ددغو انتخاباتو په هکله تازه خبرونه او رپوټونه د متن، ویدیو او تصویر په بڼه دلته کتلای او لوستلای شئ.


ښاغلي بایډن د خپلې بریا په اړه د راپورونو خپریدو وروسته د یوې اعلامیې په خپرولو سره د امریکا له خلکو څخه په هغه او د هغه په مرستیالې ، کاملا هریس باندې د اعتماد نه مننه کړې ده.

هغه لیکلي چې د ګڼو ستونزو سربیره، امریکایانو رایه ورکړله او دا یې ثابته کړله چې دموکراسي د امریکا په زړه کې ځای لري.

ښاغلي بایدن لیکلي چې اوس باید د کرکې او نفرت ډکې خبرې یوې خواته کړو او د یو ملت په توګه د یو بل په خوا کې ودریږو.

هغه لیکلي چې اوس وخت رارسیدلی چې امریکایان سره یو شي او اتفاق وکړي.‌

د امریکا د ۲۰۲۰ کال د ولسمشرۍ ټاکنې د دموکرات ګوند کاندید، جو بایډن د یوې اوږدې او سختې مبارزې وروسته وګټلې.

جوبایډن د ولسمشرۍ په دغو ټاکنو کې ۲۷۳ انتخاباتي رایې تر لاسه کړې او په دې توګه د ټاکنو ګټونکی شو. په وروستیو درې ورځو کې د څلورو ایالتونو رایو چې شمیرنه یې لا بشپړه شوې نه وه، د ښاغلي بایډن په بریا کې غټ رول درلود.

د دغو ایالتونو له ډلې یو هم د پنسلوانیا ایالت و چې ۲۰ انتخاباتي رایې یې درلودې. ددغه ایالت په ګټلو سره د بایډن ټولې رایې ۲۷۳ ته ورسیدلې او په دې توګه د ټاکنو د ګټلو لپاره د ټاکل شویو رایو له شمیر (۲۷۰) څخه واووښت.

نور جزیات دلته کتلی شئ.

سږکال د امریکا په ټاکنو کې ۱۵۰ ملیون څخه ډیرو کسانو رایه ورکړې چې تر اوسه یې ۷۴ میلیون د ښاغلي بایډن او ۶۹ میلیون یې د ډونالډ ټرمپ په طرفدارۍ اچول شوي. د بایډن انتخاباتي رایې ۲۵۳ او د ټرمپ انتخاباتي رایې ۲۱۴ دي.

د امریکا په متحدو ایالتونو کې د جمهوري ریاست ټاکنې د سه شنبې په ورځ وشوې خو لا هم معلومه نده چې آیا انتخابات د جمهوري غوښتونکو د ګوند کاندید او برحال جمهور رئیس ډانلډ ټرمپ او که د دیموکرات ګوند کاندید، جوبایډن ګټلي دي.

له بلې خوا ښاغلی ټرمپ د شمالي کرولینا او الاسکا په ایالتونو کې له جو بایډن څخه مخکې دی . ټرمپ تر اوسه ۲۱۴ انتخاباتي رایې ګټلې دي.

د ښاغلي ټرمپ لپاره د پنسلوانیا ایالت ګټل ډیر مهم دي ځکه چې که باقي ټول ایالتونه وګټي او په پنسلوانیا کې یې وبایلي نو هغه انتخاباتي رایې نشي پوره کولی چې دده بریا تضمین کړي.

نور پورته کول

XS
SM
MD
LG