د لاس رسي وړ اتصالات

امریکا د حماس ډلې پر چارواکو او شرکتونو بندیزونه ولګول


پدې اشخاصو کې هغه نومونه هم شامل دي چې په سعودي عربستان کې اوسیږي
پدې اشخاصو کې هغه نومونه هم شامل دي چې په سعودي عربستان کې اوسیږي

د متحده ایالاتو د خزانې وزارت د سیپتمبر د میاشتې په لسمه د پنجشنبې په ورځ د حماس د وسله ډلې پر مشرانو، مالي تمویل کوونکو او په سعودي عربستان کې میشت په هغه شرکت بندیزونه ولګول چې د فلسطین د حماس وسله والې ډلې ته یی مالي کمکونه کول.

د متحده ایالاتو د خزانې د وزارت لخوا په یادو شویو نومونو کې د حماس د ډلې د سیاسي بیرو غړی صالح الاروري، چې د حماس د ډلې د پیسو د حواله کولو مسولیت یی درلود شامل دی.

په سعودي کې میشت مهرصلاح نومی مالي تمویل کوونکی او یو بل شخص چې د بریتانېې او اردن تابعتونه لري او د امریکا د خزانې د وزارت لخوا په سعودي عربستان کې د حماس د ډلې د مالي کمیټې مشر گڼل کیږي، هم شامل دي.

د دوی تر څنګ د یو سعودي تبعې ابو عبیده خیري حافظ الاغا او د یو مصري تبعې محمد ریدا محمد انور عواد نومونه هم ذکر شوي دي.

د متحده ایالاتو د خزانې وزارت په سعودي عربستان کې میشت د آسیاف په نوم پر هغه نړیوالې سوداگریزې او پانگه اچگوونکې ډلې هم بندیز ولګو چې د الاغا لخوا یی مدیریت کیدو او د حماس ډلې دپاره یی مالي خدمات ترسره کول.

XS
SM
MD
LG