د امریکا متحدو ایالتونو د فوټبال ملي ټیم د نومبر ۲۹ (لیندۍ اتمه) د قطر د ۲۰۲۲ کال د فوټبال په نړیوال جام کې د ایران د فوټبال ملي لوبدلي ته یو د صفر په وړاندې ماته ورکړه.
متحدو ایالتونو په دې بریا سره وکړای شول چې د یادو سیالیو نیمه وروستي پړاو ته لار پیدا کړي. په نیمه وروستي پړاو کې به د متحدو ایالتونو ټیم د هالنډ له ملي لوبډلي سره مخ کیږي.
له دې ماتې سره د ایران ملي لوبډله په دې سیالیو کې له پرمختګ څخه بې برخې شوه.
امریکا له هماغه پیل څخه د ایران په وړاندې لوبه قوي پیل کړه او په لومړۍ نیمایي کې یې د سیالې لوبډلي پر ګول څو بریدونه وکړه.
د متحدو ایالتونو د حملې د کرښې لوبغاړه کرستین پولیسیک وکړای شول چې د لوبې په ۳۸ دقیقه کې د ایران ګول پرانیزي او د خپلې لوبډلې یوازینۍ ګول ووهي.
د لوبې په دویمه نیمایي کې که څه هم د ایراني لوبغاړو یو شمیر چانسونه رامنځ ته کړل خو په دې بریالي نشول چې د امریکا ګول پرانیزي.
د سه شنبې د ورځې په نورو لوبو کې د انګلستان د فوټبال ملي لوبډلې وکړای شول د ویلز لوبډلې ته درې د صفر په وړاندې ماته ورکړي.
د انګلستان لوبډله په دې سیالۍ کې ښه وځلیده او ویې کړای شول د ویلز پر لوبډلې ګڼ شمیر بریدونه وکړي.
په دې لوبه کې د انګلستان لپاره ګولونه مارکوس راشفورډ د لوبې په ۵۰ او ۶۸ دقیقو کې او فیل فوډین د لوبې په ۵۱ دقیقه کې ګولونه ووهل.
د نن ورځې په نورو لوبو کې سنیګال دوه یو اکواډور ته ماته ورکړه او هالنډ دوه صفر له کوربه هیواد قطر څخه لوبه وګټله.
ټاکل شوېده د چهار شنبې په ورځ آسترالیا له ډنمارک سره مخ شي، ټونس له فرانسې، پولنډ له ارجنټاین او سعودي عربستان له مکسیکو سره خپل بخت وازمایي.