د کندز په امام صاحب ولسولۍ کې د سرحدي پولیسو پر کنډک موټر بم برید شوی.
نن سه شنبه سهار ۷:۰۰ بجې د کندوز په امام صاحب ولسوالۍ کې د سرحدي پولیسو پر کنډک د موټر بم چاودنه شوې.
د دفاع وزارت له خوا په خپره شوې اعلامیه کې راغلي انتحار کوونکی چې له چاودیدونکو موادو ډک موټر کې سپور و هدف ته له رسیدو وړاندې پیژندل شوی او هدف ته له رسیدو وړاندې یې موټر بم چولی دی.
اعلامیه زیاتوي چې له چاودنې وروسته حمله کوونکو پر سرحدي ځواکونو ډزې کړي چې په نتیجه کې یې یو شمېر حمله کوونکي وژل شوي او نور تښتېدلي دي.
د دفاع وزارت په اعلامیه کې د حمله کوونکو شمیر نه دی ښودل شوی.
د کندوز ولایت ویاند عصمت الله مرادي وايي چې د امام صاحب ولسوالۍ کې پر سرحدي ځواکونو په برید کې ۲ تنه امنیتي سرتيري وژل شوي دي او ۸ تنه نور ټپیان شوي دي.
مرادي وايي چې وسله والو طالبانو غوښتل د سرحدي ځواکونو دغه کنډک ونیسي او ولسوالۍ ته سقوط وکړي، خو له موټر بم وروسته په مخامخ جګړه کې ۶ تنه وسله وال طالبان وژل شوي دي او وسلې یې د افغان امنیتي ځواکونو ته په لاس ورغلي.
طالبانو تر دا مهاله په دې اړه تبصره نه ده کړې.