د هند د کرکټ ملي لوبډلې د افغانستان د کرکټ ملي لوبدلې ته په دویمې شل اوریزې لوبې کې هم ماتې ورکړه او په دې ترتیب یې د دریو لوبو لړۍ هم وګټله.
په نوي ډهلي کې د سه شنبې په ورځ (سپتمبر۱۵مه) هند د پچې له ګټلو وروسته افغانستان ته د منډو کولو بلنه ورکړه.
افغانستان د اتو لوبغاړو په سوځېدو سره په ټاکل شویو ۲۰ اورونو کې هند ته د ۱۶۰ منډو هدف وټاکه.
تر ټولو ډېرې ۳۷ منډې کپتان ابراهیم ځدراڼ وکړې او ورپسې راشد خان ۲۸ منډې وکړې.
هند دا هدف د دریو لوبغاړو په سوځېدو سره په ۱۵م اوور کې پوره کړ او لوبه یې وګټله.
د هند سر لوبغاړي سنجو سمسن پنځوسیزه وکړه او د خپلې لوبډلې د بري مزل یې لنډ کړ.
په افغان توپ اچوونکو کې راشد خان د هند درې لوبغاړي وسوځول.
هند د دغې لړۍ لومړۍ لوبه هم ګټلې وه او درېیمه لوبه یې د پنجشنبې په ورځ ده.