د کډوالو نړیوال سازمان وايي چې د روان ۲۰۲۶ کال په لومړیو دریو میاشتو کې افغانستان ته د تلونکو او له دې هیواد څخه د وتونکو خلکو شمېر د پام وړ کم شوی دی.
د دغه سازمان په راپور کې ویل شوي دي چې په سیمې کې روانې شخړې او خراب اقتصادي وضعیت له ایران او پاکستان سره د افغانستان د مهاجرت د تګ راتګ بڼه بدله کړې ده.
د کډوالو د نړیوال سازمان راپور د ۲۰۲۶ کال د جنورۍ د میاشتې څخه نیولې د مارچ تر میاشتې پورې معلومات راټول کړي دي.
راپور وايي چې په دغو دریو میاشتو کې څه باندې ۶۳۰زره خلک افغانستان ته داخل شوي او تر ۲۰۰زرو ډېر نور بیا ترې وتلي دي.
دغه راپور، چې تېره ورځ خپور شو، وايي چې دا خلک له ایران او پاکستان څخه افغانستان ته ورغلي او همدغه راز له افغانستان څخه ایران او پاکستان ته وتلي دي.
په راپور کې راغلي دي چې د ۲۰۲۵ کال د دریو لومړیو میاشتو په پرتله، د سږکال په لومړیو دریو میاشاتو کې له پاکستان څخه افغانستان ته د تلونکو شمېر ۶۱ فیصده او له ایران څخه افغانستان ته د تلونکو شمېر ۱۴ فیصده کم شوی.
مقاماتو ویلي دي چې د خلکو په تګ راتګ کې د کموالي اصلي علت د ایران جګړه ده او همدغه راز د پاکستان او افغانستان ترمنځ شخړې هم اغیز کړی.
له افغانستانه د وتوکو کچه هم را ټیټه شوې ده او په مجموعي شمیرو کې ۱۱ سلنه کموالی ښيي، چې د ۲۰۲۶ کال په پیل کې د خوځښتونو د فشار کمښت څرګندوي. شنونکي وايي دا کمښت ښايي د ایران او اسرائیل د کړکېچ او د افغانستان او پاکستان پر پولې د زیاتېدونکو ستونزو سره تړاو ولري.
په مجموع کې، افغانستان د رپوټ په موده کې له ایران څخه ۶۳۶،۲۴۵ کسانو بیره تګ ثبت شوي دي، په داسې حال کې چې له پاکستان څخه دا شمېر ۲۴۵،۲۳۹ ته رسیدو.
په همدې ترڅ کې دوه سوه زرو نه زیات کسان ایران ته تللي، او ۴۱،۰۰۰ کسان پاکستان ته اوښتي، چې په تفصیلي معلوماتو کې ۲۷،۶۲۱ ثبت شوي بهیر پاکستان ته و.
دغه معلومات د دواړو لارو ترمنځ د کډوالۍ روښانه توپیرونه هم ښيي.
له ایران سره تګ راتګ زیاتره د اقتصادي کډوالۍ او د کار اړوند سفرونو له امله دی. یوازې ۲۱ سلنه هغه کسان چې ایران ته تللي، مخکې له وتلو په افغانستان کې په کار بوخت وو، چې په کې ۲۱ سلنه نارینه او یوازې ۱ سلنه ښځې شاملې دي.
په مقابل کې، له پاکستان سره تړلي خوځښتونه زیاتره د کورنیو اړیکو، لنډمهاله سفرونو، روغتیایي خدماتو او تکراري تګ راتګ سره تړلي دي. د کار کچه پکې لوړه وه، ځکه ۴۳ سلنه هغه کسان چې پاکستان ته تللي وو، مخکې یې کار درلود، چې په کې ۵۵ سلنه نارینه او ۲۵ سلنه ښځې شاملې دي.
د جنسیت له مخې ارقام هم څرګند توپیرونه ښيي.
له هغو کسانو څخه چې ایران ته تللي، ۹۷ سلنه نارینه وو، په داسې حال کې چې ښځې یوازې ۲ سلنه وې، او ۸ سلنه یې تر پنځو کلونو کم عمره ماشومان وو. په پرتله، پاکستان ته سفرونو کې د کورنیو ونډه زیاته وه، چې ۱۸ سلنه ښځې او ۱۰ سلنه تر پنځو کلونو کم عمره ماشومان پکې شامل وو.
همدارنګه افغانستان ته د بېرته ستنېدو په برخه کې هم ورته انځور لیدل کېږي. له ایران څخه راستنېدونکي په لوی اکثریت سره نارینه وو (۹۴ سلنه)، خو له پاکستان څخه راستنېدونکو کې ۴۰ سلنه ښځې او ۱۹ سلنه کوچني ماشومان