د امریکا د متحدو ایالتونو ولسمشر دونالډ ټرمپ خپل د ملي امنیت سلاکار جان بولټن له دندې لېرې کړ.
ښاغلی ټرمپ وایي چې نور په سپینې ماڼۍ کې د ښاغلي بولټن خدمت ته ضرورت نشته او د هغه له ډېرو وړاندیزونو سره موافق نه و.
ولسمشر ټرمپ د سه شنبې په ورځ (سپتمبر۱۰) په خپل ټویټر کې ولیکل:"ما تېره شپه جان بولټن ته وویل چې نور نو په سپینې ماڼۍ کې ستا خدمت ته اړتیا نشته. زه د هغه له ډېرو وړاندیزونو سره کلک مخالف وم. ما هغه ته وویل چې استعفا وکړي او هغه نن سهار دا کار وکړ."
....I asked John for his resignation, which was given to me this morning. I thank John very much for his service. I will be naming a new National Security Advisor next week.
— Donald J. Trump (@realDonaldTrump) September 10, 2019
ښاغلي ټرمپ د جان بولټن د خدمت او کار مننه کړې ده. ښاغلي ټرمپ دا نه دي ویلي چې د ښاغلي بولټن د کومو وړاندیزونو سره یې مخالفت درلوده.
جان بولټن په خپل ټویټر کې لیکلي دي: "ما تېره شپه استعفا وړاندې کړه او ولسمشر ټرمپ وویل: په دې اړه به سبا خبرې وکړو."
I offered to resign last night and President Trump said, "Let%27s talk about it tomorrow."
— John Bolton (@AmbJohnBolton) September 10, 2019
امریکایي رسنیو ویلي وو چې ښاغلی بولټن په کمپ ډیویډ کې د طالبانو سره د ولسمشر د پلان شوي ملاقات مخالفت کړی و. خو ولسمشر ټرمپ ویلي دي چې په خپله یې نغوښتل له طالبانو سره وویني.
جان بولټن له ۲۰۱۸ کال راهېسې د امریکا د ولسمشر ټرمپ د ملي امنیت سلاکار و.