په لغمان کې یو شمېر کروندګر وايي، همدا چې فصلونه یې ګل ته ورسیږي نو نباتي مرضونه پرې ولګیږي او ددې کار عمده لامل دی چې ددغه ډول مرضونو لپاره درمل نه لري. دوی وايي، تخمونه بې کیفیته او د نباتي امراضو په مقابل کې بازاري درمل يې د فصلونو لپاره ښه پایله نه ورکوي.
د ننګرهار ولایت په سره رود ولسوالۍ کې د نیالګیو د بزغلیو ځېنې فارم لرونکي وايي، چې د اوبو د نشتوالي له امله یې ګڼ فارمونه له منځه تللي دي او سږ کال د دوی د کاروبار حالات ښه نه دي.
په لغمان کې د کوکنارو یو شمېر پخواني کروندګر وايي، اوس چې کوکنار نه کرل کېږي او د طالبانو حکومت پرې په یو اړخیز ډول بندیز لګولی نو په مقابل کې کروندګرو ته باید کیمیاوي سرې او اصلاح شوي تخمونه ورکړل شي.
په ننګرهار کې یو شمېر کروندګر شکایت کوي، چې د اصلاح شویو تخمونو او کیمیاوي سرو مرستې حقدارو کروندګرو ته نه ورکول کېږي او د دوی په ویناء دا مرستې ځینو داسې خلکو سره کیږي، چې اړتیا ورته نه لري.
د کونړ په نورګل ولسوالۍ کې ځېنې کروندګر د اوبو د کمښت او د ویالو د خرابوالي له امله له ستونزو سره مخ دي. دوی وايي، چې له دې امله یې ډېر کله حاصلات سوځېږي.
په کونړ کې یو شمېر هغو کروندګرو چې تازه يې د هندواڼو کرلو ته مخه کړې ده، وايي هندواڼې د کوکنارو یو له ښو بدیلونو دی او ګټه يې هم نسبتا ښه ده. د دې ولایت د خاص کونړ په تنر سیمه کې حسن علي تازه په شاو خوا درې جریبه ځمکه د هندواڼو کر کړی دی، دی وايي، هیله لري سږ کال به ښه حاصلات ترې واخلي.
په کونړ کې یو شمېر کروندګر وايي، چې تېر کال يې په لوړه بیه د هوږې تخم اخیستی و، خو د مناسب بازار د نشتوالي له امله يې ټول حاصلات له پلورلو څخه پاتې وو، خو سږکال غوښتنه لري، چې د هوږې حاصلاتو ته یې مارکیټ پیدا شي.
په ننګرهار کې یو شمېر کروندګر له دې امله شکایت لري، چې سږ کال تخمونه ګران شوي دي او ترڅنګ یې ښه او اصلاح شوي تخمونه لږ او یا دوی ته د مرستې په شکل نه ورکول کیږي. د ننګرهار په کامې ولسوالۍ کې یو شمېر کروندګر وايي، له بازاره غېرې اصلاح شوي تخمونه اخلي، خو چې وې کري نو ښه حاصلات نه ورکوي.
د ننګرهار په دره نور ولسوالۍ کې یو شمېر کروندګر بڼوالي د کوکنارو ښه بدیل ګڼي او وايي، د دوی په ولسوالۍ کې له پخوا څخه کوکنار نه کرل کیږي او ډيری کروندګرو بڼوالۍ ته مخه کړې ځکه د دوی په ويناء د میوه لرونکو بڼونو زیار کم او ګټه یې هم مناسبه ده.
جلال اباد ښار کې په نشه يي توکو یو روږدی چې هر ډول نشه یې کړې ده او ترڅنګ یې د دوو لورګانو پلار هم دی وايي، مخدره مواد د یوه معتاد ټول ژوند په تېره بیا عزت او غیرت ترې اخلي.
د ننګرهار په دره نور ولسوالۍ کې یو شمېر کروندګر وايي، ډېر کله يې فصلونه د اوبو د نشتوالې له امله سوځېږي او که بارانونه وشي نو چینې او کارېزونه یې کروندو ته اوبه ورکوي.
د ننګرهار په کامې ولسوالۍ کې یو شمېر کروندګر شکایت کوي، چې هیڅ راز مرستې ورسره نه دي شوي او په کومو سیمو کې چې د کرنې اړونده مرستې شوي دي، هغه هم داسې څو مشخصو کسانو په خپلو کې ویشلي دي.
د ننګرهار په بهسودو ولسوالۍ کې ځینو کروندګرو چې سږ کال یې د کوکنارو په ځای نورو کښتونو ته مخه کړې ده وايي، د سږني کال له حاصلاتو خوښ دي.
په ننګرهار کې یو شمېر کروندګر وايي، چې د سبزیو مارکیټ تر پخوا خراب شوی دی او دا ځکه چې د خلکو اقتصاد کمزوری شوی دی. فرمان الله ساپي د جلال اباد ښار اتمې ناحيې اړوند، بحراباد سیمه کې په شاو خوا درې جریبه ځمکه کې له تېرو څو کالو راهیسې سبزي کري.
په کونړ کې د لېمو یو شمېر بڼوال وايي، د لېمو د پلور لپاره مناسب مارکیټ نه شتون د دې لامل شوی چې حاصلات يې په نېمه بیه وپلورل شي.
په نشه يي موادو اخته یو روږدی چې ادعاء کوي، د پخواني نظام د اردو یو سرتیری و، اوس د بې کارۍ له امله په نشه يې توکو روږدی شوی او له کوره لرې په جلال اباد ښار کې د کومې سرپناه پرته د ژوند سختې ورځې تېروي.
د مني او ژمي د څو میاشتو پرله پسې وچکالیو که څه هم په ننګرهار کې یو زیات شمېر کروندګر اندېښمن کړي وو، خو اوس دې وروستیو اورښتونو بېرته ښو حاصلاتو ته د دوی هېلې را ژوندۍ کړي دي.
په ننګرهار کې د غنمو یو شمېر کروندګر وايي، د اصلاح شویو تخمونو مرستې ورسره شوي دي، خو سږ کال يې کیفیت ښه نه وو، نو حاصلات يې کم او هم خراب وو.
د ننګرهار په دره نور ولسوالۍ کې د ګلابونو کروندګر وايي، سږ کال يې د بارانونو او ږلۍ له امله حاصلات کم شوي دي خو په ټوله کې د ګلابونو له کاروبار راضي دي.
په لغمان کې یو شمیر کروندګر وايي، کوکنار پدې خاطر نه کري چې ضرر لري او که څه هم ګټه یې د نورو فصلونو نه ډیره ده خو ټولنې ته د تاوانونو د اړولو نه د ځان ساتلو په خاطر ددغه بوټي له کر ډډه کوي.
نور پورته کول
