د افغانستان د فټ بال ملی ټیم نن په نیپال کې د جنوبي اسیاد طلايي جام په سیالیو کې د سري لنکا ټیم ته د یو په مقابل کې په دریو گولونو ماتې ورکړه.
په دې سیالۍ کې چې نن د چارشنبې په ورځ په نیپال کې ترسره شوه، د سري لنکا ټیم په لومړی نیمه کې یو گول وکړو. خو په دویمه نیمه کې د افغانستان ټیم پرله پسې درې گولونه وکړل او د سري لنکا ټیم ته یې ماتې ورکړه
د افغانستان د لوبډلې کپتان اسلام الدین امیري او دوو نورو لوبغاړو حشمت الله او رفیع یو یو گول وکړو. د افغانستان د فټ بال ټیم چې د دې لوبو په دویم گروپ کې دی، خپل لومړۍ لوبه ېې د بوټان نه د صفر په مقابل کې په دریو گولونو گټلې وه. دې سره افغانستان د دوو بریاوو نه پس په خپل گروپ کې د مالدیف نه هم مخکې په اول مقام شو.
د دې لوبې گټلو سره د افغانستان فټ بال ټیم د دې سیالیو دویم پړاو یا سیمي فاینل ته ورسید چې هلته به د پاکستان هند یا د نیپال سره لوبه لري.
د افغانستان د فټ بال ملي ټیم چې دا وخت د جنوبي اسیا د غوره ټیم لقب لري، به هڅه کوي چې دا ټورنامنټ وگټي او د کرکټ نه پس د فټ بال په میدان کې هم یو نړیوال جام وگټي.
په دې سیالۍ کې چې نن د چارشنبې په ورځ په نیپال کې ترسره شوه، د سري لنکا ټیم په لومړی نیمه کې یو گول وکړو. خو په دویمه نیمه کې د افغانستان ټیم پرله پسې درې گولونه وکړل او د سري لنکا ټیم ته یې ماتې ورکړه
د افغانستان د لوبډلې کپتان اسلام الدین امیري او دوو نورو لوبغاړو حشمت الله او رفیع یو یو گول وکړو. د افغانستان د فټ بال ټیم چې د دې لوبو په دویم گروپ کې دی، خپل لومړۍ لوبه ېې د بوټان نه د صفر په مقابل کې په دریو گولونو گټلې وه. دې سره افغانستان د دوو بریاوو نه پس په خپل گروپ کې د مالدیف نه هم مخکې په اول مقام شو.
د دې لوبې گټلو سره د افغانستان فټ بال ټیم د دې سیالیو دویم پړاو یا سیمي فاینل ته ورسید چې هلته به د پاکستان هند یا د نیپال سره لوبه لري.
د افغانستان د فټ بال ملي ټیم چې دا وخت د جنوبي اسیا د غوره ټیم لقب لري، به هڅه کوي چې دا ټورنامنټ وگټي او د کرکټ نه پس د فټ بال په میدان کې هم یو نړیوال جام وگټي.