د ترکیې د استانبول اتاترک هوايی ډگرد سې شنبې په تروريستي بريد کې چې ۴٢ تنه پکې ووژل شول شپږ تنه افغانان هم په وژل شويو کسانو کې شامل دي.
د استانبول لپاره افغان جنرال کونسل عبدالملک قريشي اشنا راډيو ته وويل ، شپږ وژل شويو افغانانو د ترکيې تابعت درلود چې څلور تنه پکې چې درې ښځې او يوه اته کلنه انجلۍ وه د يوکورغړي وو.
ښاغلي قريشي دا هم وويل چې په پيښه کې دوه تنه افغانان ټپيان شوي وو چې له درملنې وروسته کورو ته ولاړل.
د افغانستان ولسمشر او اجرایي ریس دا پېښه په کلکو ټکوغندلې ، او په علاميو کې يې تاکيد کړې چې ترورېزم نړیوال ګواښ دی او پکار ده چې پر وړاندې یې ګډه مبارزه وشي.
د استانبول د پيښې دافغان وژل شويو شپږ تنود هويت نورو جزئياتو په هکله نوشابې اشنا په استانبول کې افغان جنرال قونسل عبدالملک قريشي سره مرکه کړې چې دلته يې اوريدلائ شئ: