په بلو چستان کې سیاسي څېړونکی او د ورځپاڼو لیکونکې امان الله شادزی وايي د پاکستان لخوا د طالبانو د پخواني مشر د مرستیال ملاعبدالغني برادر خوشې کول د افغان سولې په برخه کې یو مثبت ګام دی.
ښاغلی شادرزی وايي چې ملا برادر د سولې د روغې جوړې په هدف خوشي شوی دی.
نوموړی وايي چې ملابرادر به تر خوشې کېدو وروسته په قطر کې د طالبانو له سیاسي دفتر سره یو ځای شي او د سولې په پروسه کې به یو مثبت رول ولوبوي.
شادزی وايي امریکا غواړي په افغانستان کې سوله رامنځته شي او باید په افغانستان کې د سولې تر ټینګېدو وروسته له ایران او پاکستان څخه ضمانت واخلي چې نور به د افغانستان په چارو کې مداخله نه کوي.
له نوموړي سره د افغانستان اړوند نورو مسائلو په اړه په بلوچستان کوټه کې د امریکا ږغ خبریال جمیل خان مرکه کړې.
د بشپړ مرکې اورېدلو لپاره لاندې لېنک کښېکاږئ