د افغانستان د کرکټ د ملي لوبډلې لوبغاړی فرید ملک له امریکا غږ سره په ځانګړې مرکې کې د خپل ژوند یو مهم راز بربنډ کړ.
د لوبډلې دغه چټک توپ اچوونکی وايي چې له طیارې څخه ډېر ډارېږي او «که کرکټ پرېږدم، د همدغې طیارې په خاطر به یې پرېږدم».
فرید ملک دا مهال په استرالیا کې د کرکټ د شل اوریز نړیوال جام په سیالیو کې په لوبو بوخت دی. هغه په میدان کې د امریکا غږ سره په مرکه بوخت و چې بل لوبغاړی ګلبدین نایب راغی او د هغه په خبرو کې یې ور ودانګل.
ګلبدین نایب هم په ټوکو کې دا خبره تائید کړه چې فرید ملک په طیارې کې ډارېږي. د فرید ملک پوره مرکه دلته وګورئ.
