په دغه ولایت کې یو تن بڼوال، محمد الله وایي، چې د زراعت د مېکانیزه کيدو او د اوبو د سپما په موخه، يو شمېر بڼوالو د انګورو نوي بڼونه د دودیز جوړښت پر ځای، په نوې بڼه جوړ کړي چې ښه نتیجه یې هم ورکړې ده. بڼوال زياتوي چې د انګورو یاده بڼه ګټوره ده، لږ اوبه غواړي او حاصل زيات ورکوي.
په نوي بڼه کې، د انګورو بڼونو ته د څاڅکو په وسیله اوبه ور کول کيږي او تاكونه له ځمکې څخه په لوړه درول كيږي.
دا پداسې حال کې دی چې د مخدره موادو پر وړاندي د بدیلو کښتونو په برخه کې د مثمر و بوټو او بڼونو جوړول تر پخوا اوس مخ په ډېرېدو دي خو بڼوال بیا وایي دوی د عصري زراعت او بڼوالۍ په اړه لا ډیرو مشورو او مرستو ته اړتیا لري.