په عراق کې چارواکي وایي د پنجشنبې په ورځ (نومبر۲۱) په بغداد کې لږ تر لږه څلور مظاهره چیان ووژل شول.
پولیسو د مظاهره کوونکو د خپرولو لپاره ډزې کړي دي چې شاوخوا ۴۸ نور مظاهره کوونکي ژوبل شوي هم دي.
په دې سره د اکتوبر په میاشت کې په عراق کې د مظاهرو د پیل راهېسې د وژل شویو کسانو شمېر ۳۰۰ ته ورسېده.
امنیتي چارواکي وایي مظاهره کوونکي د بغداد ښار مهمو نقطو ته ورغلې لارې او پلونه بند کړي دي. دغه پلونه او لارې د حکومت مهمو دفترونو، سفارتونو او نورو نړیوالو ادارو ته ځي.
پولیسو پر مظاهره چیانو پر ډزو سربېره اوښلن ګازهم شیندلي دي.
دا مظاهرې په عراق کې د اداري فساد، بیکارۍ، خرابو روغتیايي او نورو ملکي خدمتونو په ضد پیل شوي دي.
مظاهره چیان د عراق د صدراعظم د استعفا غوښتنه هم کوي.
د عراق حکومت مظاهره کوونکو ته ژمنه کړې ده چې غوښتنې به یې ومنل شي، خو مظاهره کوونکي وایي چې لا د پرمختګ کوم څرګ نه لګیږي.
