د لاس رسي وړ اتصالات

ملګري ملتونه د روهنګیايي کډوالو د وضعیت ارزونه کوي


لسګونه زره روهینګیايي مسلمانان بنګلدېش ته تښتېدلي دي

د میانمر په راخین ایالت کې د شخړو او تشدد له امله شاوخوا اوه سوه زره خلک مهاجر شوي دي.

د ملګروملتونو دا عالي رتبه پلاوی به د سه شنبې (می۱) به د راخین ایالت ته ورشي. د راپورونو پراساس په راخین ایالت کې تیرکال اګست میاشت کې اردو ډیر بی رحمه عملیات وکړل. د ملګروملتونو غواړي د همدغو عملیاتو ارزونه وکړي او د میانمر دا اقدام وارزوي چې د روهنګیايي اقلیت مهاجرینو بیرته ستنیدو ته څومره تیاری لري.

روهنګیايي اقلیت اکثریت مسلمانان دي او د نسلونو راهیسې په میانمر کې اوسیږي خو حکومت ورته د میانمر تابعت ورکول رد کړي. په راخین ایالت کې د اقلیت مسلمانانو په وړاندې د میانمر د اردو عملیات د ملګروملتونو لخوا د یو قوم له منځه وړل بلل شوي دي.

روهنګیایي بی ځای شوي کډوال پدې هیله دي که په میانمر کې خپلو کلیو ته ستانه شي.
روهنګیایي بی ځای شوي کډوال پدې هیله دي که په میانمر کې خپلو کلیو ته ستانه شي.

د بشري حقونو اجرائیه رئیس کینت روت نن وویل چې پلاوی باید د راخین ایالت د وضعیت څیړنه وکړي او نتایج يي نړیوالې جنایي محکمې ته ولیږي. د ښاغلي روت په وینا هغه بشري جنایت چې د روهینگیا په وړاندې شوی په څرگنده ډیر جدي دی چې باید د نړیوالې جنایي محکمې له خوا تعقیب شي.

د روهنګیا شاوخوا اوه سوه زره کډوال په میانمر کې د نژادي اومذهبي تاوتریخوالي له امله ګاونډي هیواد بنګله دیش ته تښتیدلي دي. د بنگله دیش په کمپونو کې پراته، د روهینگیا په زرگونه مهاجر د ملگرو ملتونو د امنیت شورا پلاوي ته د یوې احساساتي کتنې وروسته نن وویل که غوښتنې یې ومنل شي بیرته به میانمار ته ستانه شي.

د ملگرو ملتونو د امنیت شورا پلاوی چې د یکشنبې په ورځ یې له دغو کډوالو سره ولیدل ژمنه یې وکړه چې د روهینگیا د سلگونو زرو مسلمان کډوالو کړکیچ به حل کړي.د میانمر پوځ او بودايي سخت دریځه تورن دي چې د روهنګیا اقلیت پرضد يې فرقه يي زور زیاتی او تاوتریخوالی کړی دی. خو د برما/میانمر پوځ دا ادعا ردوي او وايي د روهنګیا اقلیت د هغو سخت دریځو پر ضد يې عملیات کړي دي چې پر پولیسو شویو بریدونو کې يي لاس درلود.

XS
SM
MD
LG