د لاس رسي وړ اتصالات

په لومړي ځل یوې افغانې پیلوټې بوینګ الوتکه وچلوله او پرواز یې وکړ


یوې ۲۲ کلنې افغانې پيلوټې د لومړي ځل لپاره بوینګ الوتکې ته الوتنه ورکړه

د افغانستان د ملکي هوايي چلند اداره وايي چې د دغه هېواد په تاریخ کې د لومړي ځل لپاره داسې پرواز شوی چې ټوله خدمه یې ښځې وې.

د یادې ادارې مشر قاسم وفايي زاده نن شنبه فبروري ۲۷(کب نهمه) ویلي چې دغه الوتنه د کام ایر خصوصي شرکت په واسطه د کابل-هرات تر منځ ترسره شوه.

هغه ویلي: "پیلوټه محدثه میرزايي زاده او کپتانه ویرونیکا بورسیوا د الوتنې څلورو نورو ښځینه عملو سره د ایربس ۵۰۰-۷۳۷ الوتنه ترسره کړه."

د کابل-هرات ترمنځ دغه ۳۵۰ مایله واټن دغه تاریخي الوتنې ته د ۸۰ دقیقو وخت ورکړی او موخې ته رسېدلې ده.

د ملکي هوايي چلند ادارې په وینا دغه اقدام د افغانو ښځو د ودې لپاره ښه زیری په ګوته کړ او ویلي دي: "موږ په تخینکي برخو کې د ښځو ودې ته ژمن یو."

افغانستان د څو لسیزو جګړو د ښځو حقوقو په شمول ټول بشري حقونه ځپلي خو په ورستیو دوو لسیزو کې د نړیوالو په وینا دغه هېواد کې ښځو پر مختګ کړی دی.

د دوی په وینا ښځې اوس مهال عدلي چارو ته لاسری لري، په بیلابېلو ادارو کې کار کوي او د حکومت ځینې چارواکي هم ښځینه دي.

XS
SM
MD
LG