د لاس رسي وړ اتصالات

ستانکزی: که اماراتو ویزې رانکړې، زمبابوې هند ته راغواړو


د افغانستان د کرکټ اجرايي ریس شفیق ستانکزی وايي چې تر جمعې پورې د اماراتو ویزو ته انتظار کوي، که ونشو، هند سره یې خبرې خلاصې دي.

د افغانستان کرکټ بورډ وايي که متحده عرب امارات مهمو افغان لوبغاړو ته ویزې ورنکړې، د افغانستان او زمبابوې د کرکټ لوبې په هندوستان کې کوي.

د بورډ اجرايي ریس شفیق ستانکزي د امریکا غږ اشنا ته وویل چې د هند د کرکټ بورډ له چارواکو سره یې خبرې نهايي کړي او یوازې د لوبغالي د ټاکلو پرېکړه پاتې ده.

امارات پنځو افغان لوبغاړو محمد نبي عیسی خیل، نوروز منګل، شاپور ځدراڼ، دولت ځدراڼ او نجیب ځدراڼ ته د ځینو تخنیکي ستونزو له کبله ویزې نه دې ورکړي.

افغانستان د اکتوبر په میاشت کې زمبابوې ته تللی و او هلته یې له کوربه هېواد سره اووه لوبې وکړې او پنځه يې وګټلې.

اوس به افغانستان د زمبابوې کوربتوب کوي چې د دغو سیالیو لپاره متحده عرب امارات په پام کې نیول شوي وو.

ښاغلی ستانکزی وايی که په اماراتو کې لوبې وشوې د کرکټ په یو نړیوال چاینل کې به خپریږي او که ونشوې د کوم کورني چاینل له لارې به له هند څخه د دغو سیالیو د خپرولو هلې ځلې وکړې.

د افغانستان او زمبابوې د کرکټ لوبډلو ترمنځ پنځه یوه ورځنۍ او دوه د شلو اورونو سیالۍ د ډسمبر په ۲۵ نېټه پیلیږي او د جنورۍ په لسمه ختمیږي.

please wait

No media source currently available

0:00 0:05:20 0:00
مستقیمه لیکه

  • 16x9 Image

    جعفر هاند

    جعفر هاند په ۲۰۱۷ کې په واشنګټن ډي سي کې په امریکايي پوهنتون کې په نړیوالو مطبوعاتو او اړیکو کې ماستري کړې ده. لومړۍ ماستري یې په ۲۰۱۳ کال کې (له لېرې واټن- Distance Learning) د هند په اندرا ګاندي پوهنتون کې په سیاسي علومو کې کړې ده. د ننګرهار په پوهنتون کې یې قضا لوستې ده. له ۲۰۰۷ نه تر ۲۰۱۴ کاله پورې د بي بي سي د نړیوالې او افغان څانګې خبریال او پروډیوسر و. د ۲۰۱۴ کال له پیل راهیسې په واشنګټن کې د امریکا غږ اشنا راډیو/تلویزون خبریال دی. 

XS
SM
MD
LG