د لاس رسي وړ اتصالات

مس عینک فاینل ته ووت، راشد او اصغر بیا سره مخامخ شول-کرکټ


د پنجشنبې په ورځ د کابل بازان او د بند امیر ښاماران لوبه لري

د افغانستان د شپږیزې لیګ په روانو سیالیو کې د مس عینک لوبډلې د بند امیر ښامارانو او د کابل بازانو د بست ساتونکو ته ماتې ورکړه.

د محمد نبي په مشرۍ د مس عینک لوبډله په دغه بري سره د شپږیزې سیالیو پایلوبې ته ووتله، خو د راشد لوبډله بند امیر ښاماران به سبا پنجشنبه – سپتمبر ۲۱- د کابل له بازانو سره لوبه لري چې ګټونکي به یې پایلوبې ته وځي.

مس عینک لوبډلې د بند امیر ښامارانو ته د ۱۶۴ منډو هدف ورکړ خو د هغوې ټوله لوبډله په ۱۴۰ منډو وسوځېدله.

د لوبې غوره لوبغاړی د مس عینک لوبډلې ظاهر خان شو چې په څلورو اوونو کې یې ۱۹ منډې ورکړې او پنځه لوبغاړي یې وسوځول.

کابل بازانو د نن ورځې په دویمې لوبې کې بست ساتونکو ته ماتې ورکړه.

بست ساتونکو په ۲۰ اورونو کې کابل بازانو ته د ۱۳۲ منډو هدف ورکړ چې هغوې په ۲۰ اور کې پوره او لوبه یې وګټله. د لوبې غوره لوبغاړی کریم صادق شو چې هم یې ۲۵ منډې وکړې او هم یې دوه لوبغاړي وسوځول.

د شپږیزې سیالۍ له شاوخوا یوې اونۍ راهېسې روانې دي. د سرېلنکا لوبغاړی منډیس هم نن د بست ساتونکو په لوبډلې کې و، خو لوبه یې وبایلله.

د شپږیزې پایلوبه د جمعې په ورځ ده.

  • 16x9 Image

    جعفر هاند

    جعفر هاند په ۲۰۱۷ کې په واشنګټن ډي سي کې په امریکايي پوهنتون کې په نړیوالو مطبوعاتو او اړیکو کې ماستري کړې ده. لومړۍ ماستري یې په ۲۰۱۳ کال کې (له لېرې واټن- Distance Learning) د هند په اندرا ګاندي پوهنتون کې په سیاسي علومو کې کړې ده. د ننګرهار په پوهنتون کې یې قضا لوستې ده. له ۲۰۰۷ نه تر ۲۰۱۴ کاله پورې د بي بي سي د نړیوالې او افغان څانګې خبریال او پروډیوسر و. د ۲۰۱۴ کال له پیل راهیسې په واشنګټن کې د امریکا غږ اشنا راډیو/تلویزون خبریال دی. 

XS
SM
MD
LG