د پروګرام جوړوونکي وايي چې په دغې ازموینې کې به ۱۰۰زره زده کوونکي برخه اخلي، چې په لومړي سر کې به د هر ولایت د معارف ستوري او بیا به د ستورو ترمنځ بلې سیالۍ کې د افغانستان ستوری وپېژندل شي.
اټکل کیږي چې شاوخوا ۱۰۰۰۰ نجونې به هم د معارف ستوري په ازموینې کې براخه واخلي.
د نهاد جوانان مسلمان په نامه دغه ټولنه وايي، ازموینه د افغانستان د پوهنې وزارت په سلا مشورې او لارښونې کوي، خو نوښت د دوی دی او هدف یې تعلیم او زده کړو ته د ځوانانو هڅول دي.
دا لومړل ځل دی چې، د هېواد په کچه دا ډول یوه سیالۍ کیږي او نوملیکنه یې د شنبې په ورځ پيلیږي.
د دغې ټولنې د اړیکو مشر مدثر اسلامي امریکا غږ اشنا ته وویل چې د هر ولایت لپاره درې سوه زره (۳۰۰۰۰۰) افغانۍ بودیجه ټاکل شوې ده چې د زده کوونکو د فیسونو او نورو ملي پانګوالو له لوري برابریږي.
د معارف ستورو ته کور دننه او بهر لسګونه تعلیمي بورسونه او نورې پام وړ جایزې هم په پام کې نیول شوي دي.
له ښاغلي اسلامي سره پوره مرکه دلته واورئ:
