د لاس رسي وړ اتصالات

د وسله والو په برید کې څلور پاکستاني سرتېري وژل شوي


تراوسه کومې ډلې ددغو بریدونو مسولیت نه دی اخیستی

پاکستاني چارواکي وايی په شمالي وزیرستان کې د پوځ پر کاروان باندې د وسله والو په دوو جلا بریدونو کې څلور سرتېري وژل شوي دي او ۱۰ نور ژوبل شوي دي.

د پاکستان پوځ وایي بریدونه د دوشنبې په ورځ شوي دی. یو چاروکي چې نه یې غوښتل نوم یې واخیستل شي اسوشیتډ پرس ته وویل چې بریدګر د ډیورېنډ بلې غاړې، افغانستان، ته تښتېدلي دي.

تر دې دمه کومې ډلې د دغو بریدونو مسولیت نه دی اخیستی. تر دغو بریدونو څو ورځې مخکې هم د پاکستان پوځ ویلي وو چې یو شمېر وسله والو یې د سرتېرو پر چاوڼۍ برید کړی او څلور تنه یې وژلي دي.

د ډیورېنډ کرښه شاوخوا ۲۵۰۰ کیلو مېتره اوږده ده چې د پاکستان پوځ پرې اغزن تارونو لګول پیل کړي او وايي چې د دغه کار هدف يې د ترهګرو د تګ راتګ مخنیوی دی.

خو افغان حکومت وايي چې پاکستان په خپلې خاورې کې ترهګري ساتي او پالي او باید له ترهګرو ډلو سره په خپل اصلي ځای کې مبارزه وشي.

XS
SM
MD
LG