د لاس رسي وړ اتصالات

عمران خان په کرونا ویروس اخته شوی


د پاکستان صدراعظم عمران خان

پاکستاني چارواکي وايي د دغه هیواد صدراعظم عمران خان په کرونا ویروس اخته شوی دی.

د عمران خان سلاکار فیصل سلطان په خپل ټویټر کې لیکلي دي چې د هغه د کرونا ویروس ټسټ مثبت دی.

فیصل سلطان همدارنګه زیاته کړې چې عمران خان دا مهاله په خپل کور کې قرنطین دی.

دا په داسې حال کې ده چې په دې وروستیو کې یو ځل بیا په پاکستان کې د کرونا ویروس مثبتې پېښې زیاتې شوي دي.

د یاد هیواد د روغتیايي ادارو د معلوماتو په اساس په تیرو ۲۴ ساعتونو کې ۳۹۷۶ کسان په کرونا ویروس اخته شوي دي.

د کرونا ویروس له خپرېدو څخه بیا تر دا مهاله په پاکستان کې ۲۹۵۷۶ د کرونا مثبتې پېښې ثبت شوي او څه باندې ۱۳زره کسان مړه شوي دي.

XS
SM
MD
LG