د لاس رسي وړ اتصالات

افغانستان کې په کروناویروس د اخته کسانو شمېر تر ۳۸۸۰۰ پورته شو


افغانستان کې تېرو ۲۴ ساعتونو کې ۴۳ کسان د کرونا په ویروس اخته شوي
افغانستان کې تېرو ۲۴ ساعتونو کې ۴۳ کسان د کرونا په ویروس اخته شوي

د افغانستان د عامې روغتیا وزارت وايي چې په تېرو ۲۴ ساعتونو کې په دغه هېواد کې د کروناویروس ۴۳ مثبتې پېښې ثبت شوي.

له دغه وزارت څخه د سه شنبې په ورځ سپتمبر ۱۵ (وږي ۲۵) نشر شوي معلومات ښيي چې د تازه مثبتو پېښو په ثبتولو سره په افغانستان کې په کروناویروس د ټولو اخته کسانو رسمي شمېر ۳۸۸۱۵ ته لوړ شو.

د کروناویروس تازه پېښې په هرات، بلخ او کابل ولایتونو کې ثبت شوي دي. یو کس په هرات کې مړ شوی او په دې سره د کرونا له کبله تر دې دمه د ټولو مړه شویو افغانانو شمېر ۱۴۲۶ته ورسېده.

د روغتیا وزارت وایي چې په افغانستان کې شاوخوا۳۲۱۰۰ کسان له کرونا بېرته روغ شوي دي.

د کروناویروس د لومړي ځل لپاره د چین د هوبي ایالت په وهان ښار کې خپور او په چټکۍ سره په نړۍ کې په یوې مرګونې ناروغۍ بدله شوه.

د امریکا د جانس هاپکینز پوهنتون شمېرې ښيي چې د سه شنبې تر ورځې سپتمبر ۱۵ (وږي ۲۵) په نړۍ کې څه باندې ۲۹.۲ میلیون کسان په دغې ناروغۍ اخته شوي او لږ تر لږه ۹۲۸زره نور کسان مړه شوي دي.

XS
SM
MD
LG