په هند کې د کرکټ د ۲۰ اوریز جام د دویم پړاو لومړۍ سیالي د سه شنبې په ورځ د ناګپور په میدان کې د کوربه هند او نیوزلینډ ترمنځ وشوه،چې هند په کې لویه ماتې وخوړه.
د لوبې پیل د نیوزي لینډ د توپ وهنې سره وشو او نیوزلېنډ هند ته د ۱۲۶ منډو هدف ورکړ، د نیوزلېنډ په لوبډلې کې یو لوبغاړي کوري اینډرسن ۳۴ منډې وکړي.
د هند یوه توپ وهونکی هم د نیوزي لینډ د توپ اچونکو مقابله ونشوه کړی.
ظاهرآ دا هدف ډیر اسان برېښده، خو د نیوزلینډ سلو توپ اچونکو د هند پیاوړې لوبډله په ۷۹ وسوځوله او لوبه یې وګټله.
لوبه د ناګپور د کرکټ په میدان کې وه چې، افغانستان په کې زمبابوې ته د ۱۸۰ منډو هدف ورکړی و او لوبه یې ګټلې وه.
د شل اوریز کرکټ نړیوال جام مهمه سیالي د مارچ به نولسمه کلکته کې هند او پاکستان ترمنځ ده.
دې بري سره نیوزي لینډ د شل اوریز جام د سیالیو د دویم ګروپ د سر ټیم شو ،د دې ګروپ بله سیالي به د چارشنبې په ورځ کلکته کې د پاکستان او بنګله دیش تر منځ وي او د اول ګروپ اوله سیالي به انګلستان او ویسټ انډیز ترمنځ ممبي کې او دویمه به کلکته کې د افغانستان او سري لنکا د کرکټ ټیمونو ترمنځ وي.
د شل اوریز کرکټ نړیوال جام مهمه سیالي د مارچ به نولسمه کلکته کې هند او پاکستان ترمنځ ده.
افغانستان به د مارچ په شلمه ممبي کې جنوبي افریقه ،درویشتمه نیټه د انګلستان د ټيم سره نوي دهلي کې او اخري د ګروپ سیالي همدې ناګپور کې ویسټ اندیز سره کوي .
د هر ګروپ د سر دوه بریالي ټیمونه به سیمي فاینل ته ووځي
