د لاس رسي وړ اتصالات

اروپایي ټولنه وایي د مهاجرت کړکیچ باید حل شي


له ٢٠١٥ نه تر ٢٠١٦ پورې اروپا ته شاوخوا یو نیم میلیون مهاجر رسیدلي دي
له ٢٠١٥ نه تر ٢٠١٦ پورې اروپا ته شاوخوا یو نیم میلیون مهاجر رسیدلي دي

د یو کال راهیسې د مهاجرت د کړکیچ په وجه د اروپایي ټولنې وحدت له گواښ سره مخامخ شوی او اوس غواړي د یو نوي پلان په پلي کولو سره دا مسله حل کړي.

د اروپایي ټولنې مشران غواړي د روان کال تر نیمایي پورې د مهاجرت د کړکیچ په اړه یوې موافقې ته سره ورسیږي.

له ٢٠١٥ نه تر ٢٠١٦ پورې اروپا ته شاوخوا یو نیم میلیون مهاجر رسیدلي دي چې د اروپایي ټولنې د ساحلي هیوادونو یونان او ایټالیا نه تیر شوي او ددې ټولنې بډائه هیوادونو جرمني، اتریش او سویډن ته رسیدلي دي.

دغو هیوادونو د اروپایي ټولنې په نورو غړو غږ کړی چې د یو شمیر مهاجرو په منلو له دوی سره مرسته وکړي. خو پولنډ او هنگري له دې کار ډډه کوي او پر ځای یې د نورو مرستو وړاندیز کوي.

جرمني چې اروپا ته د ورغلو مهاجرو زیات شمیر په همدې هیواد کې دیره شوي، د یوې خوا د مدیترانې بحیرې د حوزې له هیوادونو سره او له بلې خوا د اروپا د ختیځ پولنډ او هنگري سره د مهاجرو د کنترول او مخنیوي پر سر اختلاف لري.

د مدیترانې بحیرې په څنډه د مالتا جزیرې د کوچني هیواد د کورنیو چارو وزیره کامیلو ابیلا وایي په هره سیمه کې باید د مهاجرو د منلو مشخصه کچه معلومه وي. د هغې په وینا "داسې باید نه وي چې د سیمې یو ځانگړی هیواد دې مستثنی کړای شي".

د پولنډ ملتپاله حکومت چې اروپایي ټولنه یې نه خوښیږي په ټینگه د مهاجرو د اجباري ویشلو موضوع سره مخالفت کوي. خو جرمني د یو ځانگړي هیواد د خوښې پر ځای د ټولنې د ټولو غړو رایه مهمه بولي.

یو پولنډی دیپلومات وایي "جرمني باید پوه شي، هر څومره چې دوی فشار راوړي په هماغه اندازه په پولنډ کې د [اروپایي ټولنې] په ضد مقاومت زیاتیږي".

د جرمني د کورنیو چارو وزیر توماس دیمایزیر وایي په روانه اونۍ کې د اروپایي ټولنې د کورنیو چارو د وزیرانو په غونډه کې په دې غور وشو چې هر کله یو مهاجر د لومړی ځل لپاره د اروپایي ټولنې یو هیواد ته داخلیږي هماغه هیواد باید د هغه مسله وڅیړي.

د جرمني صدراعظمه په همدې خاطر راتلونکې میاشت وارسا ته ځي چې پولنډي مقامات یوې معاملې ته وهڅوي. خو د پولنډ حکومت د برکسل او برلین له فشارونو څخه په خپل هیواد کې د اروپایي ټولنې او مهاجرت ضد وگړو د ملاتړ د ترلاسه کولو په مقصد کار اخیستی دی.

XS
SM
MD
LG