د پاکستان پخوانی ډیپلوماټ او د سیاسي چارو کارپوه محمد ایاز وزیر واېې چې د قبایلې سیمو یا فاټا د خیبر پښتونخوا صوبي سره د یو ځاي کیدو په هکله د قبایلو څخه چا پوښتنه ونه کړه چې هغوې څه غواړې او دا پریکړه پرې وتپل شوه.
ښاغلی وزیر وايي،دا خبره هم سمه نه ده چې په پاکستان کې د پښتون ژغورنې غورځنگ چې کوم پاڅون پیل کړی له هغی د وجې حکومت مجبور شو چې په چټکۍ دغه اصلاحات عملې کړې.
ایاز وزیر واېې، د پاکستان حکومت ته پکار وه چې د دیني، قانوني، جمهوري او اخلاقي اصولو له مخې یې د قبایلو نه پوښتنه کړې وای. د ښاغلي وزیر په وینا په قبایلي سیمو کې د قانون نه شتون له وجې به قبایل ښایي مجبور شي چې راپاڅي او خپل حق وغواړي.
ایاز وزیر د ١٩٩٧ کال څخه تر ٢٠٠٠ کاله پوري د پاکستان د بهرنیو چار په وزارت کې ډاریکټر جنرال و
له ایاز وزیر سره د امریکا غږ د خبریال خلیل خان مرکه دلته اوریدلئ شئ
