د ټابلیټکا په نوم نشيي توکو د پروسس دغه فابریکه د ننګرهار د سرخرود په ولسوالۍ په بختان کلي کې موندل شوې ده او چارواکي وايي دغې فابریکې د دارو درملو د جوړلو په پلمه نشه یې توکي تولیدول.
درې کسان د دغې فابریکې په تور نیول شوې دي.
چارواکي وايي ځینې نورې مشکوکې سیمې یې هم نښه کړي چې ډېر ژر به پرې عملیات وکړي.
که څه هم د ننګرهار په کچه تېر یو کال کې د نشه يي توکو د پروسس فابریکو د تبا کېدو په اړه چارواکو څه ونه ویل خو د کورنیو چارو وزارت چارواکي وايي یوازې تېر کال یې د افغانستان په ګڼو ولایتونو کې یې د نشه يي توکو د پروسس له سلو ډېرې فابریکې له منځه وړې دي.
ننګرهار کې پر داسې مهال د ټابریټکا د پروسس فابریکه کشف او تبا شوه چې دغه ولایت کې پر نشه يي توکو د روږدو شمېره ورځ تر بلې زیاتېږي.
