د اسرایلو لومړی وزیر وايي چې د شمالي کوریا د ورستۍ اټمي آزموینې څخه معلومېږي چې یواځي تعزیرات به ایران د اټمي وسلو د جوړولو څخه راونه ګرځوي.
بنجامین نیتانیاهو د دوشنبې په ورځ د یهودانو نړیوالو مشرانو ته په یوې وینا کې وویل چې د ایران پر ضد د لویدیځ بندیزونه کافي نه دي بلکې باید قوي او جدي نظامي ګواښونه هم ورسره ملګري وي. که چیري داسي ونشي نو د اټمي سرغړونکو د مخنیوي لپاره هیڅ چانس نسته.
نوموړي زیاته کړه چې ایران به اسرایلو ته د ولسمشر اوباما د راتلونکې میاشتې د سفر سره سم خپله اجنډا عیاره کړي.
شمالي کوریا تیره اونۍ سره له دې چې نړۍ د سزاګانو ګواښونه ورته کړي وو، اټمي آزموینه وکړه. ایران هم د شمالي کوریا په څیر د خپل اټمي پروګرام په خاطر د سختو بندیزونه سره مخامخ دی.
اسرایل، اټم لرونکی ایران خپل موجودیت ته یو ګواښ بولي. ښاغلی نیتانیاهو معمولاْ د ایران پر اټمي تاسیساتو باندې د ممکنه برید نښې نښانې بیانوي البته که چیري نړیوال بندیزونه کار ورنکړي.
بنجامین نیتانیاهو د دوشنبې په ورځ د یهودانو نړیوالو مشرانو ته په یوې وینا کې وویل چې د ایران پر ضد د لویدیځ بندیزونه کافي نه دي بلکې باید قوي او جدي نظامي ګواښونه هم ورسره ملګري وي. که چیري داسي ونشي نو د اټمي سرغړونکو د مخنیوي لپاره هیڅ چانس نسته.
نوموړي زیاته کړه چې ایران به اسرایلو ته د ولسمشر اوباما د راتلونکې میاشتې د سفر سره سم خپله اجنډا عیاره کړي.
شمالي کوریا تیره اونۍ سره له دې چې نړۍ د سزاګانو ګواښونه ورته کړي وو، اټمي آزموینه وکړه. ایران هم د شمالي کوریا په څیر د خپل اټمي پروګرام په خاطر د سختو بندیزونه سره مخامخ دی.
اسرایل، اټم لرونکی ایران خپل موجودیت ته یو ګواښ بولي. ښاغلی نیتانیاهو معمولاْ د ایران پر اټمي تاسیساتو باندې د ممکنه برید نښې نښانې بیانوي البته که چیري نړیوال بندیزونه کار ورنکړي.