د لاس رسي وړ اتصالات

د ایوانکا ټرمپ کتاب پښتو ته وژباړل شو 


شفیقه خپلواک وايي شاید دا کتاب لوستونکو د پرمختګ ډېرې انګیزې ورکړي

د افغانستان ځوانې شاعرې او لیکوالې شفیقې خپلواک د ولسمشر ټرمپ د لور ایوانکا ټرمپ کتاب( هغه ښځې چې کار کوي) پښتو ته وژباړه.

دا کتاب شپږ څپرکي لري او تر ډېره د ایوانکا ټرمپ په شخصي او کاري تجربو لیکل شوی دی چې د ژباړنې شفیقې په خبره ښځو ته د کار، ژوند او مشرتابه په برخو کې ښې مشورې، لارښوونې او انګیزې ورکوي.

شفیقې خپلواک امریکا غږ اشنا ته وویل "د لیکوالې د نوم په لیدو ښايي ‌‌‌‌‌‌ډېر د دې کتاب لوستو ته زړه ښه کړي او ښايي ډېر ترې تېر شي. خو دا کتاب هغو ښځو ته چې هم غواړي کار وکړي هم د کورنۍ له غیږې جلا نه شي او کلکې شخصي اړیکې ولري ‌‌‌‌‌‌ډېر څه زده کېدو ته لري.هغوی چې باور نه لري ښځه کولی شي اغیزناکه مشره، تکړه سوداګره ښه مور، میرمن، لور او خور واوسي دا کتاب به ورته ثابته کړي چې دا هر څه ممکن دي".

  • 16x9 Image

    جعفر هاند

    جعفر هاند د هند په اندرا ګاندي پوهنتون کې په سیاسي علومو کې ماسټري کړې ده؛ د ننګرهار په پوهنتون کې یې قضا لوستې ده. له ۲۰۰۷ نه تر ۲۰۱۴ کاله پورې د بي بي سي د نړیوالې او افغان څانګې خبریال او پروډیوسر و. د ۲۰۱۴ کال له پیل راهیسې په واشنګټن کې د امریکا غږ اشنا راډیو/تلویزون خبریال دی.

     

XS
SM
MD
LG