د لاس رسي وړ اتصالات

په جاپان کې د بیسارې سختې گرمۍ په وجه لږ تر لږه ٣٠ تنه وژل شوي دي.

جاپاني مقاماتو ویلي دي چې د سختې او بیسارې گرمۍ له وجې د جاپان په زرگونو اوسیدونکي روغتونونو ته انتقال شوي دي.

جاپاني مقاماتو له خلکو غوښتي چې پوره اندازه اوبه وڅښي او د هوا د یخولو له سیستم نه په استفادې د د سختې گرمۍ له اغیزو ځان وژغوري.

د طب ډاکتران وایي چې د سمندر له سطحې سره په برابرو سیمو کې گرمي د بدن د مایعاتو او الکترولیتونو لکه (پټاشیم، مگنیشیم، سودیم ...) سبب کیږي چې د وینې د فشار په ښکته کیدو سره خلک گنگس او بې هوښه کیږي.

ډاکتران سپارښتنه کوي چې پداسې حالاتو کې دې خلک په ځانگړې توگه ماشومان د لمر د مستقیمو وړانگو لاندې له تگ راتگ نه ډډه وکړي او د مالگه لرونکو مایعاتو په څښلو سره دې هڅه وشي چې د بدن الکترولیتونه بیرته اعاده شي.

د جاپان په مرکزي سیمو کې گرمي د سانتیگراد ۴۰،٩ درجو ته رسیدلې ده. د جاپان په کیوتو ښار کې اوه ورځې په پربله پسې توگه د حرارت درجه د سانتیگراد ٣٨ درجې وه.

د جاپان په پلازمینه توکیو کې په پلي تگ لاره کې د کنگل یوه لویه ټوټه ایښول شوې ده چې هوا یخه کړي
د جاپان په پلازمینه توکیو کې په پلي تگ لاره کې د کنگل یوه لویه ټوټه ایښول شوې ده چې هوا یخه کړي

د جاپان په پلازمینه توکیو کې په پلي تگ لاره کې د کنگل یوه لویه ټوټه ایښول شوې ده چې هوا یخه کړي

دوه اونۍ مخکې په جاپان کې د سختو موسمي بارانونو په وجه ۴۹ تنه مړه شوي او ٥٠ تنه نور بې درکه شوي دي.

د جاپان د هواپیژندنې مقاماتو ویلي دي چې څه دپاسه ١،٦ میلیونه کسان د سیلابونو د راوتلو په وجه له خپلو کورونو نه بې ځایه شوي دي.

د جاپان د هواپیژندنې ادارې د هونشو د دریو عمده ټاپوگانو اوسیدونکو ته د ځمکې د خویدلو، د سیند د اوبو د سطحې د لوړیدو او سختو بادونو د رامنځ ته کیدلو خبرداری ورکړی دی او وروستني بارانونه یې "تاریخي" گڼلي دي.

XS
SM
MD
LG