پر بریتانوي لیکوال سلمان رشدي باندې په امریکا کې د چاقو له برید نږدې شپږ میاشتې وروسته، ټاکل شوې چې هغه د سه شنبې په ورځ فبروري اوومه (سلواغې ۱۸) "د فتحې ښار" په نوم خپل نوی کتاب خپور کړي.
د هند په آسام ایالت کې پولیسو څه دپاسه ۱۸۰۰ نارینه د کم عمره نجونو سره د واده کولو یا د ودونو د تنظیم کولو په تور نیولي دي.
په افغانستان کې د طالبانو د بیاواکمنېدو راهیسې د برازیل له لارې، امریکا ته په ناقانونه توګه د افغان پناه غوښتونکو راتګ زیات شوی دی. ډیر شمیر افغانان په بشري ویزو برازیل ته ځي، له هغه ځایه په موټرو او پلي مزل باندې له شاوخوا ۱۱ هیوادونو څخه تر تېرېدو وروسته ځانونه د امریکا متحده ایالاتو ته رسوي.
د هند سینما وتلي ستوري شاهرخ خان د "پټهان" فلم نندارې ته د وړاندې کېدو په لومړۍ اونۍ په هند کې د بریالي فلمونو ریکارډ مات کړی او بالیوډ سینما یې په داسې حال کې هیله منه کړې چې پدې وروستیو کې یې فلمونه چندان بریالي نه وو.
په پېښور کې یوه څېړنیز مرکز د پښتنو د لرغونې او کلتوري نڅا "اتڼ" روزنیز پروګرام جوړ کړی او په لسګونو ځوانانو پکې برخه اخیستې ده.
د افغانستان د حقوقپوهانو ټولنه وايي، تېر کال د طالبانو د بیاواکمنېدو وروسته، افغانستان له عدلي او قضايي اړخه له ناخوالو سره مخامخ شوی دی. دې ټولنې اندېښنه ښودلې چې په تېر نظام پورې اړوند د یو شمېر قاضیانو، څارنوالانو او مدافع وکیلانو ژوند په خطر کې دی.
له څلور کاله ځنډ وروسته، سینما ته د وتلي هندي فلمي ستوري شاهرخ خان د فلم راتګ په هند کې ښي اړخي سختدریځه هندوان په غوصه کړي دي.
د هند په ګجرات ایالت کې سږ کال د کاغذ پران یا د پتنګانو د الوځولو په کلنۍ فیستیوال کې شپږ کسان مړه شوي او څه دپاسه ۱۷۶ تنه نور ټپیان شوي دي.
په افغانستان کې د طالبانو له لوري د اکثره نجونو پر مخ د ښوونځیو د دروازو له تړل کېدو وروسته د بامیانو ولایت یوې پیغلې د خپل کلي نجونو ته د ښوونې دپاره ملا تړلې ده.
شاوخوا دوې اونۍ کېږي چې د اواتار-۲ (Avatar: The Way of Water) فلم نندارې ته وړاندې شوی خو تر دې دمه یې شاوخوا دوه میلیارد ډالر ټکټونه خرڅ شوي دي.
د احصایي ادارې نن سه شنبه جنوري ۱۷ (مرغومې۲۷) تازه شمېر اعلان کړی چې په کې ښودل کېږي په چین کې په ۲۰۲۲ کال کې ۹.۵۶ میلیون ماشومان زېږېدلي دي.
نور پورته کول
