د لاس رسي وړ اتصالات

"طالبان د علي وزیر د قتل لپاره د هغه د کور محاصره کوي"


Ali Wazir 2

د پښتون ژغورنې تحریک مشران وایي چې طالبانو په واڼا کې خپل پلویان راغونډ کړیدي او د علي وزیر د کور چاپیره د راغونډیدو پلان لري چې هغه ووژني

د تحریک یو مخکښ مشر محسن داوړ امریکاغږ ته وویل چې پرون د سه شنبې په ورځ داسې رپورټونه رارسیدلي دي چې ځاېي طالبانو چې ورته د امن کمیټې نوم هم ورکول شوی، د علي وزیر د کور محاصرې ته روان دي.

محسن داوړ پدې اړه په خپل یو ټویټ کې ولیکل

"د واڼا وضع د خطرې وړ ده. د چارچاپیرو سیمو طالبانو پلان جوړ کړیدی چې د علي وزیر په کور برید وکړي. په واڼا کې د کرفیو باوجود گڼ شمیر طالبان راغونډ شویدي. که علي وزیر او ملگرو ته یې هیڅ ډول تاوان هم ورسیدو نو د پاکستان پوځ به مسول وي"

کله چې امریکاغږ د محسن دواړ نه دا وپوښتل چې دغه راغونډ شوي طالبان څوک دي نو هغه وویل چې د پاکستان پوځ ورته د امن کمیټې نوم ورکړیدی.

محسن زیاته کړه چې دا وخت د ټولو پلویانو نه غواړي چې د علي وزیر د خوندیتوب لپاره خپل غږ پورته کړي او احتجاج وکړي. هغه دا هم وویل چې د هر ډول تاوان مسول به د پاکستان پوځ وي.

د پاکستان ځینې سیاستمدارنو او د حقونو فعالانو د طالبانو لخوا د علي وزیر د کور د محاصرې د خبر په اړه سخت غبرگون وښودو او د حکومت نه یې وغوښتل چې د علي وزیر د خوندیتوب لپاره اقدامات وکړي.

د علي وزیر د خوندیتوب لپاره په ټویټر د علي وزیر خوندي کړئ هیش ټیگ پیل شویدی چې مختلفو کسانو پکې د حکومت نه د سمدستي اقداماتو غوښتنه کړیده.

افراسیاب خټک چې د عوامي نیشنل گوند مرکزي مشر دی، په خپل ټویټر لیکي چې زه د پاکستان د صدراعظم ناصرالملک، د خیبر پښتونخوا والي ظفر اقبال جگړا نه خواست کوم چې هغوي دې د واڼا په مسله کې خپله برخه رول ولوبوي.

همدغه ډول د ملالې یوسفزۍ پلار ضیا االدین یوسفزي هم په خپل ټویټر د پښتنو د سیاسي مشرانو اسفندیار ولي خان، سراج الحق، فضل الرحمان او د محمود خان اڅکزۍ نه غوښتي چې په واڼا کې د "ښه طالبانو" د بیا فعالیدو په مسلې د پاکستان د پوځ د مشر سره خبرې وکړي.

د پاکستان د پوځ ویاند جنرال اصف غفور پرون په یوې خبرې کانفرنس کې د پښتون ژغورنې د تحریک په اړه وویل چې د هغوي د پاکستان ضد پروپیگنډ به و نه زغمي.

د یادونې وړ ده چې د پاکستان پوځ په پرله پسې دا ادعاگانې کړي دي چې زیاتره سیمه یې د طالبانو پاکه کړیده.

  • 16x9 Image

    نزرانه یوسفزۍ

    نزرانه غفار  د ۲۰۱۱ کال راهیسي په واشنګټن کې د امریکاغږ سره د ژورنالستې او نطاقې په حیث کار کوي. نزرانه یوسفزۍ د انګلستان د مانچسټر د پوهنتون نه د بشري حقونو او نړیوال قانون په برخې کې خپله ماستري اخیستې ده.

XS
SM
MD
LG