د لاس رسي وړ اتصالات

ټرمپ وایي پاکستان د هغوي د فشار له کبله حافظ سعید ونیوه


د امریکا ولسمشر ډونلډ ټرمپ په یو ټویټ کې ویلي دي چې د لسو کلونو د پلټنې نه وروسته پاکستان د ممبۍ د برید ترتیبونکی نیولی دی.

ولسمشر ټرمپ په یو ټویټ کې لیکلي دي چې د تیرو دوو کلونو د فشار په نتیجه کې په پاکستان کې د ممبۍ د بریدونو مسول نیول شویدی.

ولسمشر ټرمپ ولیکل:

"د لسو کلونو د پلټنو نه وروسته، د ممبۍ د بریدونو ترتیبونکی په پاکستان کې نیول شویدی. په تیرو دوو کلونو کې د هغه د موندنې لپاره ډیر لوی فشار اچول شوی و."

پداسې حال کې چې ولسمشر ټرمپ په خپل ټویټ کې لیکلي چې "د لسو کلونو د پلټنې وروسته د ممبۍ د بریدونو ترتیبکونکی نیول شویدی" خو په اصل کې حافظ سعید دغه ټوله موده په پاکستان کې ازاد گرځیده.

د ولسمشر په ټویټ کې دغه ټکې په ټویټر ځینو خبریالانو او د سیاسي چارو کارپوهانو هم په گوته کړ او هغه ته یې ځوابونه ورکړل.

د هند یو خبریال مانک گپتا ولسمشر ټرمپ ته ولیکل چې حافظ سعید ازاد گرځیده او د موندلو ضرورت یې نه و.

د یادونې وړ ده چې د هند حکومت د هغه تورونو په ځواب کې چې حافظ سعید د ممبۍ په برید کې ککړ و، پاکستان د هندي چارواکو نه شواهد غوښتي و.

د پاکستان حکومت په تیرو څو کلونو کې څو وارې حافظ سعید نیولی او پریښی دی.

پاکستان په داسې وخت کې حافظ سعید نیولی دی چې صدراعظم عمران خان د پوځي او ملکي چارواکو سره یو ځاې امریکا ته د جولایي په ٢٠ سفر کوي.

  • 16x9 Image

    نزرانه یوسفزۍ

    نزرانه غفار  د ۲۰۱۱ کال راهیسي په واشنګټن کې د امریکاغږ سره د ژورنالستې او نطاقې په حیث کار کوي. نزرانه یوسفزۍ د انګلستان د مانچسټر د پوهنتون نه د بشري حقونو او نړیوال قانون په برخې کې خپله ماستري اخیستې ده.

XS
SM
MD
LG