په اول ځل د اورتداکس د کلیسا مسیحیانو ته په ترکیه کې اجازه ورکړشوه چې وروسته له نوي کلونو نه د ترکیې په غرونو کې د سومیلا په صومعه کې خپل عبادات سرته ورسوي.
لږ ترلږه ١٥٠٠ زیارت کونکي د ترکیې، یونان او روسیې نه دغی صومعې ته چې په څلورمه میلادي پیړۍ کې جوړه شویده د یکشنبې په ورځ ولاړل. هغه کسانو چې هلته د ورتگ جوگه نه ؤ د تلویزیو ن له لارې دغه مراسم وکتل.
مسیحیانو د ١٩٢٣ کال نه راپدېخوا د سیمه ایزو یونانیانو د ایستلو نه وروسته په دې نه وو قادر چې دلته په منظم ډول خپل عبادات سرته ورسوي.
ترکیې همدرانگه ارمني مسیحیانو ته هم اجازه ورکړه چې د ترکیې په جنوب کې په ډله ایز ډول په یوه رغول شوې کلیسا کې په راتلونکي میاشت کې خپل عبادت سرته ورسوي.