د افغانستان د کرکټ د ملي لوبډلې روزونکی رئیس احمدزی وايي چې شاید له بنګلدېش سره د چهارشنبې د ورځې په لوبې کې په افغان لوبډلې کې ځینې تغیرات راشي. خو نور معلومات یې ورنکړل.رئیس احمدزی: بنګلدېش سره دویمې لوبې ته لوبډله کې تغیرات راولو
مګر د افغانستان د کرکټ د ملي لوبدلې غړي کریم صادق امریکا غږ اشنا ته وویل چې که تغیرات راځي باید د نوین الحق پر ځای فرید ملک او د کپتان اصغر پر ځای نوروز منګل لوبډلې ته راشي.
رئیس احمدزي له بنګلدېش نه د امریکا غږ اشنا سپورټ اونیزې خپرونې ته وویل چې له تېرې ماتې يې زده کړه کړې او دویمه لوبه به د اولې په څېر نه وي.
نوموړي همدغه راز په مهم وخت کې د محمد نبي او اصغر ستانکزي سوځېدل د اولې ماتې مهم علت وبلل.
افغانستان له بنګلدېش سره د دریو نړیوالو سیالیو سیریز لري، چې لومړۍ یې وبایلله، دویمه یې د چهارشنبې په ورځ ده، خو درېیمه یې د اکتوبر په لومړۍ نېټه ده.
ښاغلي احمدزي وویل چې بنګلدېش د افغانستان له لوري له سخت فشار سره مخامخ دی او شاید همدغه فشار پرې منفي تاثیر ولري.
Your browser doesn’t support HTML5
له رئیس احمدزي سره د جعفر هاند مرکه دلته واورئ