د افغانستان د دفاع وزارت مرستیال شاه محمود میاخېل وايي، د قاطع ملاتړ ماموریت افغان ځواکونو ته ۴۵۰ هاموي ټانکونه او ۸۰ میلیونه مرمۍ وسپارلې.
ښاغلي میاخېل پر خپل ټویټر پاڼه لیکلي چې د نړیوالو ځواکونو دقاطع ملاتړ CSTC-A ادارې لخوا افغان ځواکونو ته سپارل شوو تجهیزاتو کې د شپې دوربیونونه هم شامل دي.
د هغه د معلوماتو په اساس یاد پوځي تجهزات په کندهار او کابل کې د نړیوالو ځواکونو لخوا د افغانستان دفاع وزارت ته سپارل شوي دي.
نوموړي په دې اړه زیاته کړې:"دقاطع ملاتړ CSTC-A ادارې تقریبا ۴۵۰ نوې هاموي،۸۰میلیونه مرمې،دشپې دروبینونه او نور تجهیزات دملي دفاع وزارت ته په کابل او کندهار کې وسپارل."
دقاطع ملاتړ CSTC-A ادارې تقریبا 450 نوې هاموي،80 میلیونه مرمې،دشپې دروبینونه او نور تجهیزات دملي دفاع وزارت ته په کابل او کندهار کې وسپارل.مننه کوم دملي دفاع وزارت تامیناتو معینیت او ټولو همکارانو نه چې شپه او ورځ زحمت وکاږي چې سیستم ښه او ټولو قطعاتو ته په وخت اکمالات تر سره شي pic.twitter.com/nm1OzAZg6f
— Shahmahmood Miakhel (@S_MIAKHEL) November 5, 2020
د روان زېږدیز کال په ترڅ کې امریکا د هېواړ له ملي پوځ سره ۱۳۸۳ هاموې، ۱۰ هلیکوپتره او ۴ A-29 جنګي جیټ الوتکې مرستې کړې دي.
د افغانستان دفاع وزارت د معلوماتو په اساس امریکا تیر کال د ۵۷۴ میلیون ډالرو په ارزښت تجهیزات له افغان حکومت او امنیتي ځواکونو سره مرسته کړې ده او د ۱۰۲ میلیونه ډالرو په ارزښت تجهیزات به په راتلونکي کال کې مرسته وکړي.
د اعلامیې له مخې په افغانستان کې د غوڅ ملاتړ ماموریت یو قوماندان جنرال ډیډریک ویلي:"د دفاعي او امنیتي ځواکونو ساتل او پیاوړتیا په افغانستان کې د سولې او ارامتیا د ټینګښت په موخه ځانګړی ارزښت لري."
دغه امریکايي جنرال ټینګار ګړی چې له افغان دفاعي او امنیتي ځواکونو سره به د امریکا متحده ایالاتو مرستې او همکاري دوام ولري.