د لاس رسي وړ اتصالات

کندهار کې د ملي اردو پر مرکز دوه موټربم بریدونه شوي


دکندهار په شاه وليکوټ ولسوالۍ کې د ملي اردو پر مرکز نن سهار ۲ موټربم ځانمرګي بريدونه شوي او وروسته وسله‌واله نښته پیل شوې چې لاهم جګړه روانه ده.

د ملي اردو دغه مرکز د شاه‌ وليکوټ ولسوالۍ له مرکز څخه ۲۰ کيلو ميتره واټن کې د زنګيتان په سيمه کي موقعیت لري.

په کندهار کي د ۲۰۵ اتل قول اردو مطبوعاتي دفتر پېښه تائيدوي خو وايي چي وروسته به يې په اړه بشپړ معلومات له رسنيو سره شريک شي.

د کندهار يوه امنيتي مقام د نوم نه ښودلو په شرط امریکا غږته وويل چې وسله‌والو ځانمرګو بريد کوونکو لومړی د مازدا ډوله موټر او د حاموي ټانک په وسيله بریدونه کړي دي.

سرچينې وويل چي تر بريدونو ورورسته د وسله والو بريد کونکو او د ملي اردو د سرتيرو ترمنځ نښته پيل شوې چي لاهم دوام لري.

هغه زیاه کړه: "هدف ته تر رسيدو مخکي د ملي اردو سرتيرو پرې بريد وکړ چې چاودنې يو په بل پسې رامنځ ته شوې تلفات شته".

وسله‌والو طالبانو د شاه وليکوټ د بريدونو په اړه کومه تبصره نده کړې.

شاه وليکوټ د کندهار له نا امنه ولسواليو څخه ده چي کندهار له اروزګان او زابل ولايتونو سره نښلوي.

  • 16x9 Image

    عزیزالله پوپل

    عزیزالله پوپل په جنوبي ولایتونو کې د امریکا غږ اشنا راډیو د پښتو خبریال دی. له امریکا غږ سره د کار له مخه یې په سیمه کې له ملي راډیو او ټلویزیون، روز خبري اژانس، هیواد ټلویزیون او افغان ازاد راډیو سره د خبریال په حیث کار کړی، او د کندهار په پوهنتون کې یې د ادبیاتو زده کړې ترسره کړې دي

XS
SM
MD
LG