د لاس رسي وړ اتصالات

عمران خان: طالبان سوله غواړي


عمران خان

د پاکستان صدراعظم عمران خان د امریکا او طالبانو ترمنځ د سولې د خبرو د بیا پیلولو غوښتنه کړې ده.

عمران خان وايي دواړه خواوې سوله غواړي او باید دا مذاکرات له سره پيل شي.

عمران خان د سه شنبې په ورځ (اکتوبر۸) په اسلام اباد کې د امریکا له ځینو قانون جوړوونکو سره له ملاقات وروسته وویل چې د افغانستان د شخړې یوازینی حل د سولې مذاکرات دي.

پاکستاني رسنۍ وایي صدراعظم عمران خان امریکایي استازو ته ویلي دي چې هېواد به یې د تېر په څېر په افغانستان کې د سولې د راوستلو لپاره هلې ځلې کوي.

تېره اونۍ د افغانستان د سولې په چارو کې د امریکا ځانګړي استازي زلمي خلیلزاد په اسلام اباد کې د طالبانو له استازو سره ولیدل.

ځینې پاکستاني رسنۍ وايي چې طالب مشرانو له عمران خان سره هم لیدلي دي. خو د پاکستان د لومړي وزیر مرستیال فردوس عاشق اعوان دا راپورونه رد کړل.

ولسمشر ټرمپ تېره میاشت په کابل کې د طالبانو په یو برید کې د یو امریکايي له وژل کېدو وروسته له طالبانو سره د سولې خبرې ختمې کړي. زلمي خلیلزاد له طالب استازو سره شاوخوا اته میاشتې خبرې وکړې او هیله وه چې یوې موافقې ته ورسیږي.

XS
SM
MD
LG