د لاس رسي وړ اتصالات

افغانستان کې د کرونا په تازه پېښو کې ۸۴ نور کسان مړه شوي


Afghanistan Coronavirus Corona

د افغانستان د عامې روغتیا وزارت وايي چې په تېره یوه شپه او ورځ کې ۸۴ کسان په دغه هېواد کې د کروناویروس له امله مړه شوي چې ورسره د ټولو مړو شویو ناروغانو شمېر پنځه زره او ۵۶۱ ته پورته شوی دی.

دغه وزارت د پنجشنبې په ورځ جولای ۸ (چنګاښ ۱۷) وویل دا کسان د افغانستان په ۲۳ ولایتونو کې مړه شوي چې ۲۲ په کابل ولایت کې و.

همداشان د افغانستان د روغتیا وزارت په تېرو ۲۴ ساعتونو کې په کروناویروس د ۱۲۲۴ کسانو د اخته کېدو خبر ورکړی او ویلي دي چې په دغه هېواد کې په کروناویرو د ټولو اخته شویو کسانو شمېر ۱۳۱زره او ۵۸۶ ته رسېدلی دی.

دغه وزارت ویلي چې د کروناویروس درېیمه څپه لا هم په افغانستان کې دوام لري او یوازې د روغتیايي سپارښتونو د رعایتولو له لارې د دغې ناروغۍ د پراختیا مخ نیول کېږي.

کروناویروس د لومړي ځل لپاره د ۲۰۱۹ په وروستیو کې د چین د هوبي ایالت په ووهان ښار کې پیدا او په چټکۍ سره په نړۍ کې خپور شو.

د امریکا د جانس هاپکینس پوهنتون د معلوماتو په اساس تراوسه په نړۍ کې له ۱۸۵میلیونه او ۱۲۵زرو څخه زیات کسان په دغې ناروغۍ اخته شوي چې له دې شمېرې څه باندې څلور میلیونه مړه شوي دي.

XS
SM
MD
LG