د لاس رسي وړ اتصالات

یوې چاودنې په غزني کې څلور پولیس او یو ملکي کس ووژل


تصویر له ارشیف څخه اخیستل شوی او د غزني‌د پېښې نه دی

په غزني کې چارواکي وايي‌ چې د پولیسو یو موټر د سړک په غاړه په یو ښخ شوي ماین برابر شوی او څلور پولیس په کې وژل شوي دي.

د غزني د پولیسو ویاند احمدخان سیرت وايي چې په چاودنه کې یو ملکي کس هم وژل شوی دی.

پېښه د دوشنبې په ورځ د مارچ ۲۳ (وري۴) د غزني د ده یک ولسوالۍ د خشیک په سیمه کې شوې ده.

د غزني ولایت د عامې روغتیا رئیس باز محمد همت هم وویل چې پنځه مړي روغتون ته انتقال کړل شوي دي.

تر دې دمه د دغه برید مسولیت چا نه دی منلی خو معمولآ دا ډول بریدونه د طالبانو کار بلل کیږي.

په همدې حال کې د غزني‌ د ولایتي شورا مشر نصیر احمد فقیري وايي چې په همدغه سیمه کې د افغان ځواکونو یو موټر باندې هم چاودنه شوې ده او څلور تنه یې ژوبل شوي دي.

خو افغان امنیتي چارواکو لا په دې اړه څه نه دي ویلي.

XS
SM
MD
LG