د لاس رسي وړ اتصالات

افغانستان کې د کرونا تازه پېښو کې ۷۷ نور ناروغان مړه شوي


عکس ارشیف

د افغانستان د عامې روغتیا وزارت په تیرو ۲۴ ساعتونو کې په دغه هیواد کې د کرونا ویروس د ۱۵۰۱ مثبتو پېښو ثبتېدو خبر ورکړی دی.

روغتیا وزارت ویلي نن سې شنبه جون ۲۹ (چنګاښ اتمه) ویلي چې په تیره شپه او ورځ کې د کرونا ویروس د ۴۷۹۹ سمپلونو معاینات کړي چې ۱۵۰۱ مثبت و.

د روغتیايي چارواکو په وینا په تیرو ۲۴ ساعتونو کې په یو شمېر ولایتونو کې ۷۷ نور ناروغان له کرونا ویروس څخه مړه شوي دي.

ذ رسمي معلوماتو په اساس په دې سره په افغانستان کې د کرونا ټولې مثبتې پېښې ۱۱۸۶۵۹ او له کرونا ویروس څخه د ټولو مړو شوو کسانو شمېر ۴۸۷۱ ته پورته شوو.

د دې ترڅنګ په تیره شپه او ورځ کې ۱۱۸ تنه بیرته له کرونا ویروس څخه جوړ شوي ديي.

کرونا ویروس د لومړي ځل لپاره د ۲۰۱۹ کال په ډسمبر میاشت کې د چین د هوبي ایالت په ووهان ښار کې پیدا شوو.

د امریکا د جانس هاپکینز پوهنتون د معلوماتو په اساس په نړۍ کې تر دا مهاله څه باندې ۱۸۱میلیون او ۴۳۷زره کسان کرونا نیولي او څه باندې درې میلیون او ۹۲۹زره کسان ورڅخه مړه شوي دي.

XS
SM
MD
LG