د لاس رسي وړ اتصالات

هند کې په یوه ورځ څه باندې ۱۱زره کسان په کرونا اخته شوي


په هند کې تر دې دمه څه باندې ۸۰۰۰ کسان د کروناویروس له کبله مړه شوي دي
په هند کې تر دې دمه څه باندې ۸۰۰۰ کسان د کروناویروس له کبله مړه شوي دي

په هند کې چارواکي وایي د شنبې په ورځ جون۱۳(غبرګولي۲۴) ‌۱۱۴۵۸ کسان د کرونا په ویروس اخته شوي دي.

په یوه ورځ په دغه ویروس د دومره کسانو اخته کېدل په هند کې یو ریکارډ بلل کیږي.

هند چې څه باندې یو میلیارد نفوس لري، تېره ورځ په کې ۱۰۹۵۶کسان د کرونا په ویروس اخته شوي ‌وو.

په دغه هېواد کې په کرونا د اخته کسانو شمېر له هغه وروسته زیات شو چې حکومت په یو شمېر ایالتونو کې هوايي ډګرونه، تولیدي فابریکې او عبادتځایونه بېرته پرانیستل او د قرنطین لګول شوي محدودیتونه یې کم کړل‌.

د هند طبي ټولنو د حکومت په دغه کار نیوکې کړي دي‌ او ویلي دي چې شاید دا کار د کروناویرس پېښې نورې هم زیاتې کړي.

د امریکا د متحدو ایالتونو، برازیل او روسیې څخه وروسته هند څلورم هېواد دی چې په کې ډېر کسان د کرونا په ویروس اخته شوي دي.

د جانس هاپکینز پوهنتون د معلوماتو په اساس په هند کې د شنبې تر ورځې پورې د کروناویروس له کبله ۸۸۸۴ کسان مړه شوي او څه باندې ۳۰۰زر نور پرې اخته دي.

د کروناویروس په لومړي ځل د ۲۰۱۹ د ډسمبر په میاشت کې د چین د هوبي ایالت په ووهان ښار کې خپور شو او تر دې دمه د نړۍ په ۱۸۸ هېوادونو او سیمو کې یې څه باندې ۴۲۶ کسان مړه کړي او شاوخوا ۷.۶ میلیون نور پرې اخته دي.

XS
SM
MD
LG