د کرکټ په نړیوال جام کې د جمعې په ورځ اکتوبر ۲۷ (لړم پنځمه) پاکستان جنوبي افریقا ته د ۲۷۱ منډو هدف وټاکه.
د هند په چنای کې پاکستان ددغه پنځوس اوریزې لوبې پچه وګټله او ټول لوبغاړي یې په ۴۷م اوور کې د ۲۷۰ منډو کولو وروسته وسوځېدل.
د پاکستان پرانیستونکي توپ وهونکي عبدالله شفیق او امام الحق دواړه له ۲۱ منډو کولو وروسته وسوځېدل. خو ورپسې بابر اعظم ۵۰ او محمد رضوان ۳۱ منډې وکړې.
د پاکستان نورو توپ وهونکو سعود شکیل ۵۲، او شاداب خان ۴۳ منډې وکړې.
د جنوبي افریقا توپ اچوونکي تبریز شمسي د پاکستان څلور او مارکو جانسن درې لوبغاړي وسوځول.
د جنوبي افریقا تیز توپ اچوونکی کاګیسو ربادا د زخمي کېدو له کبله په دغه لوبه کې برخه نلري.
فورم \ دبحث خونه