د لاس رسي وړ اتصالات

جو بایډن په لومړني بهرني سفر اروپا ته روان شو


دا د جمهور رئیس کیدو نه وروسته د ښاغلی بایډن لومړنی بهرنی سفر دی
دا د جمهور رئیس کیدو نه وروسته د ښاغلی بایډن لومړنی بهرنی سفر دی

د امریکا د متحده ایالاتو جمهور رئیس جو بایډن د خپلې دورې لومړنی بهرنی سفر نن چارشنبه جون ۹ (غبرګولي ۱۹) اروپایي هیوادونو ته په تګ پیل کړ.

ټاکل شوې ښاغلی بایډن پدې سفر کې د نړۍ د ۷ بډایو او ځواکمنو هیوادنو د مشرانو د غونډې او د ناټو او اروپایي ټولنې د همکارانو سره د ملاقات تر څنګ د روسیې د جمهور رئیس ولادیمیر پوتین سره مخامخ خبرې وکړي.

الوتکې ته تر ختلو وړاندې ښاغلي بایډن وویل، "دا سفر به یې پوتین او چین ته روښانه کړي چې اروپا او د امریکا متحده ایالات ټینګ دي".

جو بایډن پدې سفر کې لومړی د جي۷ هیوادونو د مشرانو په غونډې کې د ګډون لپاره برتانیې ته ځي، هلته به د ملکې الیزابیت سره د ملاقات نه وروسته د ناټو د غړیو هیوادونو او اروپایي اتحادېې د مشرانو سره د غونډو لپاره بروکسل ته ولاړ شي. د ښاغلی بایډن د سفر وروستی تمځای به ژنیو، وي او هلته به د روسیې د جمهور رئیس ولادمیر پوتین سره هم ګوري.

پداسې حال کې چې نړۍ لا هم د کرونا د مهلکه ویروس سره لاس او ګریوان ده، جمهور رئیس جو بایډن غواړي د روسیې او چین په مقابل کې یو شمیر دیموکراتیکو هیوادونو ته د ملاتړ ډاډ ورکاندي.

بایډن د ملاقات نه وړاندې د واشنګټن پوسټ په ورځپاڼې کې په یوې سرمقالې کې لیکلي وو چې دا "زمونږ د وخت یوه مهمه پوښتنه ده."

د امریکا د مخکني جمهور رئیس ډونالډ ټرمپ د پالیسۍ برعکس جو بایډن غواړي چې په نړیوالو موضوعاتو کې خپل هیواد د عنعنوي سیاست خوا ته بیرته بوځۍ او د امریکا متحدین هم د ښکاره بدلون په تمه دي.

د دریځ د بدلون یوه نمونه یې اروپایي هیوادونو ته د جمهور رئیس جو بایډن د روانیدو نه وړاندې د اروپایي اتحادیې د سوداګرۍ د کمیشنر ولادیس دومبرووسکیس څرګندونې وې. هغه د امریکا نه غوښتي چې د خبرو پر ځای دې عمل وکړي.

د امریکا مخکني جمهور رئیس ډونالډ ټرمپ ادعا کوله چې امریکا دا نشي زغملی چې په نړۍ کې د پولیس نقش ادا کاندي، هغه د ګواښیتوب پلوي و چې پلویانو یې هم غوښته. خو د جمهور رئیس بایډن حکومت دا چلند ۱۸۰ درجې بدل کړ او د "لومړی امریکا" پر ځای د "امریکا بیرته راغله" شعار کاروي.

د امریکا د بهرنیو چارو وزیر انتوني بلنکن هم ویلي که امریکا دا کار ونکړي، بدیل به یې دا وي چې چین چارې په لاس کې واخلي او یا به ګډوډي وي.

XS
SM
MD
LG