د لاس رسي وړ اتصالات

راشد خان په آی پي ال کې نوی ریکارډ جوړ کړ


د راشد خان په ۲۴ توپونو کې په ۱۸ یې یوه منډه هم ونشوه

افغان توپ اچوونکي راشد خان په آی پي ال کې بل ریکارډ جوړ کړ.

راشد خان د ممبۍ انډينز له لوبډلې سره د پنجشنبې (اپریل۱۲) په لوبې کې په څلورو اورونو کې یوازې ۱۳ منډې ورکړې او یو لوبغاړی یې وسوځوه.

د راشد خان ریکارډ دا شو چې د هغه د ۲۴ توپونو په ۱۸ یې هېڅ یوه منډه هم ونشوه، چې دا یو نوی ریکارډ دی. د راشد خان لوبډلې د ۱۴۸ منډو هدف پوره کړ او لوبه یې وګټله. خو راشد خان په کې په صفر وسوځېده.

راشد خان د لوبې غوره لوبغاړی شو او ۱۰۰زره هندۍ روپۍ جایزه ورکړه. هغه وویل چې دا پېسې به د خپل یو ملګري د رنځور ماشوم په درملنه لګوي، خو نور معلومات یې ورنکړل.

راشد خان وویل چې خوشاله دی د کرکټ له لارې د افغانانو پر شونډو مسکاوې راولي. د راشد خان تر دغه ریکارډ مخکې د هند د ملي لوبډلې ورو توپ اچوونکي اشوین هم داسې یو کار کړی و.

دا خبر د کرکټ مشهور ویبسایټ اس پي ان هم په خپل ټویټر کې خپور کړی دی.

د راشد خان لوبډلې تراوسه دوې لوبې کړې او راشد خان په کې دوه کسان سوځولي دي.

راشد او محمد نبي دواړه د سنرایزر حیدراباد په لوبډلې کې دي، خو محمد نبي تراوسه کومه لوبه نه ده کړې.

  • 16x9 Image

    جعفر هاند

    جعفر هاند په ۲۰۱۷ کې په واشنګټن ډي سي کې په امریکايي پوهنتون کې په نړیوالو مطبوعاتو او اړیکو کې ماستري کړې ده. لومړۍ ماستري یې په ۲۰۱۳ کال کې (له لېرې واټن- Distance Learning) د هند په اندرا ګاندي پوهنتون کې په سیاسي علومو کې کړې ده. د ننګرهار په پوهنتون کې یې قضا لوستې ده. له ۲۰۰۷ نه تر ۲۰۱۴ کاله پورې د بي بي سي د نړیوالې او افغان څانګې خبریال او پروډیوسر و. د ۲۰۱۴ کال له پیل راهیسې په واشنګټن کې د امریکا غږ اشنا راډیو/تلویزون خبریال دی. 

XS
SM
MD
LG