د لاس رسي وړ اتصالات

سږکال د انفلوونزا ناروغي د تیرو ١٥ کالو په پرتله بیساری ده


یوه نرسه یو ماشوم ته د انفلوونزا واکسین کوي
یوه نرسه یو ماشوم ته د انفلوونزا واکسین کوي

د امریکا روغتیایي چارواکو د جمعې په ورځ وویل چې د انفلوونزا د ساري ناروغۍ دغه روان موسم په تیرو ١٥ کالو کې تر ټولو شدید دی چې له وجې یې نژدې ١٢٠٠٠ زره کسان په روغتونونو کې بستر شوي دي.

د امریکا د ناروغیو د کنترول او مخنیوي چارو مرکز تازه معلومات ښیي چې د انفلوونزا روان موسم چې مخکې له وخته پیل شوی او ډیر ایالتونه یې ځپلي په عین وخت کې ټول هیواد ته پراخیږي.

دغه ویروس تر اوسه ٣٧ ماشومان وژلي دي. د چارواکو په اند ددې فصل تر پایه کیدای شي ددې افت په وجه د ماشومانو مړینې که ډیرې زیاتې نشي نو ښایي د ٢٠١۴ -٢٠١٥ کلونو د انفووینزا په موسم کې د تلف شويو کسانو حد چې ١۴٨ تنه وو ورسیږي.

د تیرې شنبې پورې روانه انفلوونزا د پورتو ریکو او نیویارک ښار په گډون ٣٩ ایالتونو ته پراخه شوې.

د امریکا د ناروغیو د کنترول او مخنیوي چارو د مرکز د انفلوونزا د څانگې مشر دانیل جرنیگن وایي "دا د انفلوونزا ډیر سخت فصل دی".

د ٢٠٠٩ کال د swine flu ساري ناروغۍ راوروسته د انفلوونزا پر وانډې زیات خلک د حفاظت په لټه کې دي. وروستی ځل چې امریکا د انفلوونزا ډوله ناروغۍ لوړې درجې سره مخامخ وه ٢٠٠٣-٢٠٠۴ کلونو د ژمي موسم و.

د ښاغلي جرنیگن په وینا د هغو کسانو فیصدي چې کلینکونو، د روغتونونو عاجلو څانگو او د ډاکترانو معاینه خانو ته یې مراجعه کړې د کال په دې فصل کې تر ټولو لوړه کچه ده.

د انفلوونزا پیښې د ژمنیو رخصتیو نه وروسته زیاتې شوي دي او په دې خاطر زیات ماشومان پرې اخته شوي چې ناروغه ماشومان ښوونځیو ته ځي او دا ناروغي نورو سرایت کوي.

XS
SM
MD
LG