چین پريکړه کړې چې (CPEC )د چين- پاکستان اقتصادي دهليز لار به افغانستان ته غځوي.
د کابل په امريکايی پوهنتون کې د بهرنۍ سوداگرۍ استاد مزمل شينواري امريکا غږ ته وويل چې افغانستان په وچه کې گير هيواد دی، د چين – پاکستان په دهليز کې د افغانستان د شموليت لمړۍ گټه او تر ټولو ستر اهميت دادی چې اوبو ته به لاره لنډه کړي.
بله دا چې د ښاغلي شینواري په وینا دا لاره ترانزيتي نه بلکه دهليز دی او دې سره افغانستان ته ډيره پانگه جلبيدلای شي .
ښاغلي شينواري دا هم وويل چې چين هم له دی درکه د نورو اقتصادي گټو سر بيره غواړي د اقتصادي پروژو له لارې په سيمه سياسي تسلط ولري.
د اجرائيه رياست اقتصادي مشاور او په کابل کې د امريکايي پوهنتون د بهرنۍ سوداگرۍ استاد مزمل شينواري مرکه دلته اوريدلای شئ: